ఈ మధ్య కాలంలో కొందరు కామంతో కొట్టుమిట్టాడుతూ వావి వరుసలు మరచి ప్రవర్తిస్తున్నారు.కాగా తాజాగా కన్న కూతురిలా చూసుకోవాల్సిన కోడలిని మామ ఏకంగా చెరబట్టి ఆమెపై అత్యాచారయత్నం చేసిన ఘటన ఆంధ్ర ప్రదేశ్ రాష్ట్రంలో వెలుగు చూసింది.
పూర్తి వివరాల్లోకి వెళితే స్థానిక రాష్ట్రంలోని గుంటూరు జిల్లా పరిసర ప్రాంతంలో “స్వాతి” అనే వివాహిత తన కుటుంబ సభ్యులతో కలిసి నివాసముంటోంది.కాగా ఈ మధ్య కాలంలో స్వాతి తన అత్తమామల నుంచి కొంతమేర ఇబ్బందులను ఎదుర్కొంటోంది.
ఈ క్రమంలో తన భర్త తరచూ చిత్రహింసలకు గురి చేస్తున్నాడని అంతేకాకుండా తన మామ కూడా తన కూతురు చూసుకోవాల్సిందిపోయి తనపై లైంగిక దాడికి యత్నించాడని జిల్లా ఎస్పీ గ్రీవెన్స్ లో ఫిర్యాదు నమోదు చేసింది.అయితే తాను పోలీసులకు ఫిర్యాదు చేసిన విషయం తెలుసుకున్న భర్త మరియు తన మామ కలిసి తనను హత్య చేసే ప్రయత్నాలు చేస్తున్నారని కాబట్టి తనకు రక్షణ కల్పించాలని పోలీసులను కోరింది.
అంతేకాకుండా గతంలో కూడా ఈ విషయం గురించి పంచాయతీ పెట్టి పెద్దలు తన మాట వినకుండా తనని నిందితురాలిగా చిత్రీకరించే ప్రయత్నాలు చేస్తున్నారని అలాగే మధ్యవర్తుల ద్వారా కేసు వాపసు తీసుకోకపోతే పరిణామాలు తీవ్రంగా ఉంటాయని బెదిరింపులకు పాల్పడుతున్నట్లు కూడా పేర్కొంది.
దీంతో రంగంలోకి దిగిన పోలీసులు స్వాతి తెలిపిన వివరాలను నమోదు చేసుకుని తన భర్త మరియు మామపై పలు సెక్షన్ల కింద కేసులు నమోదు చేశారు.
అంతే కాకుండా మహిళలు వేధింపులకు గురి చేస్తే ఖచ్చితంగా కఠిన శిక్షలు ఎదుర్కోవాల్సి ఉంటుందని హెచ్చరిస్తున్నారు.
