బాలీవుడ్ స్టార్ డైరెక్టర్ సంజయ్ లీలా బన్సాలీని ఎంతో ప్రతిష్టాత్మకంగా తెరకెక్కిస్తున్న “హీరా మండి” అనే వెబ్ సిరీస్ ను తెరకెక్కిస్తున్నారు.ఇందులో సోనాక్షి సిన్హా,హ్యూమా ఖురేషి వంటి స్టార్ హీరోయిన్లు ముఖ్య పాత్రలలో నటిస్తున్నారు.
నెట్ ఫ్లిక్స్ కోసం బన్సాలీ ఈ వెబ్ సిరీస్ రూపొందిస్తున్నారు. అయితే ఈ వెబ్ సిరీస్ లో తనకు ఒక చిన్న పాత్ర ఇవ్వాలని దర్శకుడు సంజయ్ లీలా బన్సాలిని బాలీవుడ్ బ్యూటీ అలియాభట్ అడిగారని తెలుస్తోంది.
వెబ్ సిరీస్ అయినప్పటికీ ఈ ప్రాజెక్టును బన్సాలి చేపట్టడంతో ఈ సిరీస్ లో నటించడం కోసం అలియా భట్ ఎంతో ఆసక్తి చూపిస్తున్నారు.అదేవిధంగా ఈ వెబ్ సిరీస్ లో నటించినందుకు గాను ఆమెకు ఎలాంటి రెమ్యూనరేషన్ వద్దని, దర్శకుడికి బంపర్ ఆఫర్ ప్రకటించినట్లు తెలుస్తోంది.
ఈ క్రమంలోనే సంజయ్ స్పందిస్తూ ఈ సినిమాలో ఫ్రీగా వద్దని, ఇప్పుడు మార్కెట్లో తనకున్న రేటును బట్టి రెమ్యునరేషన్ తీసుకొమ్మని చెప్పినట్లు తెలుస్తోంది.
దీన్ని బట్టి చూస్తుంటే ప్రాజెక్టులు తనకు సంజయ్ లీలా బన్సాలీ అవకాశం కల్పిస్తున్నట్లు తెలుస్తోంది.
బన్సాలీ దర్శకత్వంలో ‘గంగూభాయ్ కతియావాడి’ సినిమాలో నటించారు.త్వరలోనే ఈ చిత్రం థియేటర్లో ప్రేక్షకుల ముందుకు రానుంది.
ఇకపోతే రాజమౌళి ఎంతో ప్రతిష్టాత్మకంగా తెరకెక్కిస్తున్న “ఆర్ఆర్ఆర్” చిత్రం ద్వారా ఈ బ్యూటీ తెలుగు ప్రేక్షకులను సందడి చేయనుంది.ఈ సినిమాను దసరా కానుకగా విడుదల చేయనున్నట్లు చిత్ర బృందం తెలియజేశారు.