టాలీవుడ్ కింగ్ అక్కినేని నాగార్జున ప్రస్తుతం బంగార్రాజు సినిమా చేస్తున్నాడు.ఈ సినిమా సోగ్గాడే చిన్ని నాయన సినిమాకు సీక్వెల్ గా రాబోతుంది.
నాగార్జున ద్విపాత్రాభినయం చేసిన సోగ్గాడే చిన్ని నాయన సినిమా అప్పట్లో మంచి విజయాన్ని అందుకుని ప్రేక్షకులకు గుర్తుండిపోయే సినిమాగా నిలిచింది.ఈ సినిమాలో నాగార్జున చేసిన ‘బంగార్రాజు’ పాత్రకు అదిరిపోయే స్పందన వచ్చింది.
కళ్యాణ్ కృష్ణ దర్శకత్వంలో ఈ సినిమా తెరకెక్కుతుంది.ఈ మధ్యనే ఆశిషోర్ సోలమన్ డైరెక్షన్ లో ఆయన నటించిన ‘వైల్డ్ డాగ్‘ సినిమా ప్రేక్షకుల ముందుకు వచ్చింది.
యాక్షన్ ఎంటర్టైనర్ గా తెరకెక్కిన ఈ సినిమాలో నాగార్జున, దియా మీర్జా, సయామీ ఖేర్, అతుల్ కులకర్ణి ప్రధాన పాత్రల్లో నటించారు.ఈ సినిమా మంచి హిట్ అవ్వడంతో వెంటనే నాగార్జున ఈ సినిమా లైన్ చేస్తున్నాడు.
బంగార్రాజు సినిమాను ఆగస్టు 20 న సెట్స్ మీదకు తీసుకెళ్లేందుకు చూస్తున్నారు.ఇప్పటికే ఈ సినిమా కోసం ప్రత్యేక మైన సెట్స్ కూడా వేస్తున్నారని తెలుస్తుంది.ఈ సినిమా అన్నపూర్ణ బ్యానర్ పై తెరకెక్కుతుంది.ఈ సినిమాలో నాగ చైతన్య కూడా ఒక కీలక పాత్రలో నటించబోతున్నాడని టాక్.ఈ సినిమాలో నాగార్జునకు జోడీగా రమ్య కృష్ణ నటిస్తుండగా.నాగ చైతన్య కు జోడీగా కృతి శెట్టి కన్ఫర్మ్ అయ్యింది.
అయితే ఈ సినిమా ఇంకా మొదలు కాకుండానే విడుదల గురించి చర్చ జరుగుతుంది.ఈ సినిమా సంక్రాంతి రేస్ లో రాబోతుందని టాక్.గ్యాప్ లేకుండా షూటింగ్ చేసి ఈ సినిమాను జనవరి 15 న ప్రేక్షకుల ముందుకు తీసుకొస్తారని చెప్పుకుంటున్నారు.అయితే ఇప్పటికే సినిమాలు విడుదలకు సిద్ధంగా ఉండగా నాగార్జున విడుదల చేస్తే ఈ సినిమా హిట్ టాక్ వచ్చిన వసూళ్లు అంతగా ఉండవని అంటున్నారు.
మరి చూడాలి నాగార్జున ఏ ప్లాన్ లో ఉన్నాడో.