సింగర్ గా తనకంటూ ప్రత్యేక గుర్తింపును సొంతం చేసుకున్న మంగ్లీ వరుస ఆఫర్లతో బిజీ అవుతున్నారు.సినిమా పాటలతో పాటు యూట్యూబ్ లో కూడా పాటల ద్వారా కూడా మరింత ఫేమస్ అవుతున్నారు.
మంగ్లీ యూట్యూబ్ ఛానల్ కు రికార్డు స్థాయిలో వ్యూస్ వస్తుండగా ఆమె పాడిన పాటలు సైతం నెట్టింట వైరల్ అవుతున్నాయి.అయితే గత కొంతకాలంగా మంగ్లీ పేరు బిగ్ బాస్ సీజన్ 5 కంటెస్టెంట్ల జాబితాలో వినిపిస్తున్న సంగతి తెలిసిందే.
మంగ్లీ బిగ్ బాస్ షోలో కచ్చితంగా పాల్గొంటారని ఆమె అభిమానులు కూడా భావిస్తున్నారు.బిగ్ బాస్ షోలో ప్రతి సీజన్ లో ఒక సింగర్ కచ్చితంగా ఉంటారనే సంగతి తెలిసిందే.
ఈ సీజన్ లో మంగ్లీ దాదాపుగా కన్ఫామ్ అయ్యారని సమాచారం.సెప్టెంబర్ నెల నుంచి బిగ్ బాస్ షో ప్రారంభం కానుందని జోరుగా వార్తలు ప్రచారంలోకి వస్తున్న సంగతి తెలిసిందే.
ఈ మధ్య కాలంలో మంగ్లీ పలు వివాదాల ద్వారా వార్తల్లో నిలిచారు.
గతంలో మంగ్లీ సన్నిహితులు బిగ్ బాస్ షోలో మంగ్లీ పాల్గొనకపోవచ్చని చెప్పినా మంగ్లీ తన నిర్ణయాన్ని మార్చుకున్నారని బిగ్ బాస్ షోలో కచ్చితంగా పాల్గొంటారని కూడా వార్తలు వస్తుండటం గమనార్హం.మంగ్లీ పాడిన బోనాల పాటలో అభ్యంతర పదాలు ఉన్నాయని కొన్ని టీవీ ఛానెళ్లు డిబేట్లు నిర్వహించగా కొంతమంది సినీ ప్రముఖులు సైతం కామెంట్లు చేసిన సంగతి తెలిసిందే.
బిగ్ బాస్ నిర్వాహకులు సైతం మంగ్లీ బిగ్ బాస్ షోలో పాల్గొంటే ఆమె ఈ షోకు కచ్చితంగా ప్లస్ అవుతుందని భావిస్తున్న సంగతి తెలిసిందే.ఈ షోలో పాల్గొనే సెలబ్రిటీల జాబితాలో యాంకర్ రవి, ప్రముఖ ఛానెల్ యాంకర్ ప్రత్యుష, లోబో ఉన్నారని సమాచారం.మంగ్లీ ఈ షోలో ఖచ్చితంగా పాల్గొంటారో లేదో తెలియాలంటే మరికొన్ని రోజులు ఆగాల్సిందే.