టాలీవుడ్ సక్సెస్ ఫుల్ డైరక్టర్ మారుతి డైరక్షన్ లో సంతోష్ శోభన్ హీరోగా వస్తున్న సినిమా మంచి రోజులు వచ్చాయ్.ఈ సినిమాలో మెహ్రీన్ కౌర్ హీరోయిన్ గా నటిస్తున్నారు.
చాలా తక్కువ టైం లో షూటింగ్ పూర్తి చేసుకున్న ఈ సినిమాలో క్యారక్టర్ ఇంట్రో టీజర్ ను రిలీజ్ చేశారు.సినిమా టీజర్ చూస్తే ఆద్యంతం ఆకట్టుకునేలా ఉంది.
మారుతి మార్క్ కామెడీ ఎంటర్టైనర్ గా ఈ సినిమా వస్తుందని చెప్పొచ్చు.
ఫ్యామిలీ మొత్తం చూసే సినిమాలు చేసే మారుతి తన మార్క్ చూపించేలా ఈ సినిమా ఉంది.
ఈమధ్యనే ఏక్ మిని కథ సినిమాతో హిట్ అందుకున్నా సంతోష్ శోభన్ మంచి రోజులు వచ్చాయ్ సినిమాతో నిజంగానే కెరియర్ లో మంచి రోజులు వచ్చేలా చేసుకుంటున్నాడు.యువి కనెక్ట్స్ బ్యానర్ లో ఎస్.కె.ఎన్ ఈ సినిమా నిర్మిస్తున్నారు.ఈ సినిమాను అనూప్ రూబెన్స్ మ్యూజిక్ అందించారు.కామెడీ ఎంటర్టైనర్ గా వస్తున్న ఈ సినిమాతో మరో హిట్ తన ఖాతాలో వేసుకునేలా ఉన్నాడు సంతోష్ శోభన్.
మారుతి ఈ సినిమాతో పాటుగా గోపీచంద్ తో పక్కా కమర్షియల్ సినిమా చేస్తున్నాడు. గోపీచంద్ తో రాశి ఖన్నా హీరోయిన్ గా నటిస్తున్న ఈ సినిమా కూడా ఎంటర్టైనింగ్ గా రానుంది.