విక్టరీ వెంకటేష్ నటించిన నారప్ప సినిమా గురించి స్పందించారు మెగాస్టార్ చిరంజీవి.నారప్ప చూశాను సినిమాలో నారప్ప పాత్రలో వెంకటేష్ ఒదిగిపోయిన తీరు బాగుంది.కొత్త వెంకటేష్ ను చూశాను.వెంకటేష్ లో ఎప్పుడూ నటించాలని తపన ఉంటుంది.
అది ఈ పాత్రతో మరోసారి ఆవిష్కృతమైంది.వెంకటేష్ కెరియర్ లో ఈ సినిమా చాలా గొప్ప చిత్రంగా ఉండాలని అన్నారు చిరంజీవి.
నారప్ప సినిమాపై ఓ చిన్న ఆడియో బైట్ ఇచ్చారు మెగాస్టార్ చిరంజీవి.ఈ బైట్ పై తన స్పందన తెలియచేశారు వెంకటేష్.
మీరు చెప్పిన ప్రతి మాట సంతోషపరుస్తుందని అన్నారు వెంకటేష్.నారప్ప గురించి మీ ఫీడ్ బ్యాక్ ఇచ్చినందుకు ధన్యవాదములు అంటూ ట్వీట్ చేశారు.మొత్తానికి నారప్పతో మెగాస్టార్ చిరంజీవి మెప్పు కూడా పొందేశారు వెంకటేష్. తమిళ అసురన్ లో ధనుష్ నటనకు ఏమాత్రం తీసిపోని విధంగా వెంకటేష్ నటన ఉంది.
ఈ సినిమాలో వెంకటేష్ నిజంగానే తన నటనతో సర్ ప్రైజ్ చేశారు.ఈ సినిమా తర్వాత దృశ్యం 2లో రీమేక్ కూడా వెంకటేష్ నటిస్తున్న విషయం తెలిసిందే.
దీనితో పాటుగా వెంకటేష్ అనీల్ రావిపుడి డైరక్షన్ లో ఎఫ్ 3 సినిమా చేస్తున్నారు.ఈ సినిమాలో వరుణ్ తేజ్ కూడా నటిస్తున్న విషయం తెలిసిందే.