బక్రీద్ సందర్భంగా ఎక్కువ మంది ముస్లింలు జంతువధ చేస్తుంటారు.చాలా మంది జంతు ప్రేమికులు ఇది వ్యతిరేఖిస్తూ వస్లున్నప్పటికీ ముస్లింలు బక్రీద్ ను పురస్కరించుకుని చేసే జంతు వధ మాత్రం ఆగడం లేదు.
తమకు ఉన్నంతలో పండుగను ఘనంగా చేసుకోవాలని చాలా మంది చూస్తుంటారు.ఇక ఓచోట మాత్రం మేకలకు కళ్లు చెదిరే ధర వచ్చింది.
ఏకంగా ఆ మేకలకు నాలుగున్నర లక్షల ధర పలకడంతో అందరూ విస్తుపోయారు.
ఈ సంఘటన జరిగింది యూపీ రాజధాని లక్నోలో.గోమతి నదీ తీరాన ఉన్న ఓ మేకల మార్కెట్ అమ్మకానికి ఉంచిన రెండు మేకలను ఓ వ్యక్తి ఏకంగా నాలుగున్నర లక్షలు వెచ్చించి కొనుగోలు చేశాడు.
అసలు అంతలా ధర పెట్టేందుకు కారణం ఏంటా అనే అనుమానం అందరికీ కలుగుతుంది.వాటిల్లో ఒకటి 170 కిలోలు ఉంటే, మరోటి 150 కిలోల బరువుంది.
ఇవి ఇంతలా బరువు పెరిగేందుకు కారణం అవి తినే ఆహారం.వాటి యజమాని వాటికి రోజూ 600 రూపాయల విలువ గల ఆహారం పెడతాడట.
బాదాం, పిస్తా ఇలా అనేక రకాల హెల్తీ ఐటమ్స్ తో పాటు జ్యూసులు కూడా తాగిస్తారట.అంతే కాకుండా వీటికి రోజు స్నానం కూడా చేపిస్తామని వీటిని పెంచిన వారు చెప్పారు.
సంక్రాంతికి పందెం కోళ్లను పెంచడం తెలుగు వారు ఇప్పటికే చాలా సార్లు చూసి ఉంటారు.కానీ ఇలా మేకలను పెంచడం తో ఏంటా ఇది అని ఆశ్చర్యపోతున్నారు.వీటికి తినిపించే ఆహారం కూడా సేమ్ పందెం కోళ్లకు తినిపించే ఆహారం మాదిరే ఉండడం విశేషం.ఈ విషయం తెలిసిన ప్రతి ఒక్కరూ మరీ అంతలా ధర పెట్టాలా అని దీర్ఘాలు తీస్తున్నారు.
రోజుకు 600 రూపాయల ఆహారం తినే మేకలకు ఆ మాత్రం ధర పలకడం సబబే అని కొంత మంది అంటున్నారు.