వామ్మో.. ఆ స్విమ్మింగ్ ఫూల్ లోతు తెలిస్తే షాక్ అవ్వాల్సిందే..!

స్విమ్మింగ్ పూల్స్​ ఎంత లోతుంటాయి.మహా అయితే 20 నుంచి 30 అడుగులు.

ఇంకా ఎక్కువ అనుకుంటే 70‌‌‌‌–80 అడుగుల లోతు ఉండే స్విమ్మింగ్ పూల్స్ గురించి మనం విన్నాం.కానీ ఏకంగా 196 అడుగుల లోతు ఉన్న స్విమ్మింగ్​ పూల్​ గురించి మీరు ఎప్పుడైనా విన్నారా ? మీ సమాధానం ‘లేదు’ కదా.అవును చాలా మందికి ఇంత లోతులో ఓ స్విమ్మింగ్ ఫూల్​ గురించి తెలియదు.

ఆ స్విమ్మింగ్​ ఫూల్ ఎక్కడుంది.

ఎలా ఉంటుంది.దాని ప్రత్యేకతలేంటి వంటి వివరాలను చక చక తెలుసుకుందామా ? అయితే పదండి ముందుకు.దుబాయ్​లోని నాడ్​ అల్​ షెబాలో ఉందీ స్విమ్మింగ్ ఫూల్​.అక్కడి ప్రభుత్వం దీనిని నిర్మించింది.196 అడుగులు ఉండే ఈ స్విమ్మింగ్ ఫూల్​లో ఎన్నో విశేషాలు ఉన్నాయి.

డీప్​ డైవ్​ దుబాయ్​ అనే పేరుతో ప్రపంచంలోనే అత్యంత లోతైన స్విమ్మింగ్ ఫూల్​ను దుబాయ్​ ప్రభుత్వం ఇటీవలే నిర్మించింది.

దీనిని ఆ దేశ యువరాజు హమ్​ధన్​ బిన్​ బుధవారం ప్రారంభించి, ఆ స్విమ్మింగ్​ ఫూల్​ విశేషాలను మీడియాతో పంచుకున్నారు.ఇది ప్రపంచంలోనే అత్యంత లోతైన జలపాతం అని తెలిపారు.

ఇందులో 60 మీటర్ల లోతుతో నిర్మించామని చెప్పారు.

ఇందులో ఓ అద్భుత నగరం ఉంటుందని తెలిపారు.ఆపార్ట్​మెంట్​తో పాటు గ్యారేజ్​ వంటి నిర్మాణాలను ఏర్పాటు చేశామని మీడియాకు వివరించారు ఆ దేశ యువరాజు.ఇందులో 56 కెమెరాలు ఉన్నాయని, ఈ స్విమ్మింగ్​ ఫూల్​లో డైవ్​ చేసే వారి కదలికలను ఇవి ఎప్పకటిప్పుడు గమనిస్తూ ఉంటాయని పేర్కొన్నారు.

ఇందులో ఆటలు కూడా ఆడుకోవచ్చని తెలిపారు.

అయితే ఇందులో 1.4 కోట్ల నీరు అవసరం అవుతుందని, ఈ నీటిని ప్రతీ ఆరు గంటలకు ఒక సారి శుద్ధి చేస్తామని తెలిపారు.ఈ నీటిని శుద్ధి చేసేందుకు అధునాత టెక్నాలజీని వాడుతున్నామని పేర్కొన్నారు ఆ దేశ యువరాజు.

అయితే ఇది ప్రస్తుతం పూర్తి స్థాయిలో అందుబాటులోకి రాలేదని, కొంత మందికి మాత్రమే అవకాశం కల్పిస్తున్నామని తెలిపారు.