ప్రపంచాన్ని అతలాకుతలం చేసిన కరోనా వైరస్ పుట్టినిల్లు చైనా లో గత కొద్ది రోజుల నుండి వరుస ప్రమాద ఘటన చోటు చేసుకుంటున్నాయి.తాజాగా ఇటీవల ఉదయం తెల్లవారుజామున సెంట్రల్ చైనా హెనాన్ ప్రావిన్స్‌, షాంగ్‌కియు నగరంలో ఘోర అగ్ని ప్రమాదం చోటు చేసుకుంది.
ఈ ఘటనలో దాదాపు 18 మంది మృతి చెందగా 16 మందికి తీవ్ర గాయాలయ్యాయి.వెంటనే క్షతగాత్రులను సమీపంలోని ఆసుపత్రికి తరలించారు.
మార్షల్ ఆర్ట్స్ కేంద్రం వద్ద ఈ ఘటన చోటు చేసుకోవడంతో ఒక్కసారిగా చుట్టుప్రక్కల ప్రాంతాలకి చెందినవారు భయభ్రాంతులకు గురయ్యారు.అసలు ప్రమాదానికి గల కారణం ఏమిటి అన్నది ఎంత వరకు బయట పడలేదు.
అగ్ని ప్రమాదం కావటంతో వెంటనే అగ్నిమాపక సిబ్బంది అలర్ట్ అయ్యి చెలరేగిన మంటలను అనేక గంటలు కష్టపడి అదుపులోకి తీసుకు రావడం జరిగింది.ఒక్కసారిగా అగ్నిప్రమాదం చోటు చేసుకోవడం 18 మంది చనిపోవటం మాత్రమే కాక 16 మందికి తీవ్ర గాయాలు కావడంతో చైనాలో ఈ ఘటన పెద్ద హాట్ టాపిక్ అయ్యింది.
