యంగ్ హీరో కార్తికేయ ఆర్ ఎక్స్ 100 సినిమా తో తెలుగు ప్రేక్షకులకు పరిచయం అయ్యాడు.ఆ సినిమా మంచి విజయాన్ని సొంతం చేసుకున్న తర్వాత వరుసగా హీరో గానే కాకుండా విలన్ పాత్రల్లో కూడా నటిస్తూ మెప్పిస్తూ వస్తున్నాడు.
ప్రస్తుతం ఈయన చేస్తున్న సినిమా ల విషయానికి వస్తే తెలుగు లో హీరో గా రెండు సినిమా లు చేస్తున్నాడు.ఇదే సమయంలో ఈయనకు తమిళ సూపర్ స్టార్ అజిత్ మూవీ వాలిమై లో కూడా కీలక పాత్ర దక్కింది.
సాదారణంగా ఇతర భాష నటుడు అది కూడా ఒక చిన్న హీరో కు పోస్టర్ లలో పెద్దగా ప్రాముఖ్యత ఉండదు.తెలుగు సినిమా ల్లో నటించే చిన్న స్టార్స్ కు గుర్తింపు ఎంత ఉంటుంది అంటే చాలా చాలా తక్కువ అనడంలో సందేహం లేదు.
కాని వాలిమై చిత్ర ఫస్ట్ లుక్ లో హీరో అజిత్ తో సమానమైన గౌరవం గుర్తింపు మరియు ప్రాముఖ్యత ను కార్తీకేయ దక్కించుకున్నాడు.
కార్తికేయ విలన్ గా నటించిన గ్యాంగ్ లీడర్ నిరాశ పర్చింది.
ఆ సినిమా లో కార్తికేయ నటన మంచి మార్కులను దక్కించుకుంది.అందుకే వాలిమై సినిమా లో ఆయన విలన్ పాత్రను దక్కించుకున్నాడు.
అజిత్ మూవీ అంటే పాన్ ఇండియా లో మంచి బజ్ ఉంటుంది.అలాంటి సినిమా లో నటించినందుకు గాను ఖచ్చితంగా రాబోయే రోజుల్లో కార్తికేయ కు మంచి ఫాలోయింగ్ దక్కే అవకాశం ఉంటుంది.
ఇదే సమయంలో విలన్ గా నటించిన కార్తికేయ తెలుగు లో హీరోగా నటిస్తున్నాడు.వాలిమై సినిమా సక్సెస్ అయ్యి తమిళం లో మంచి గుర్తింపు దక్కించుకుంటే అక్కడ కూడా ఈయన హీరో గా నటించే అవకాశాలు దక్కించుకుంటాడు.లేదంటే తెలుగు లో ఈయన నటించిన సినిమా లు అన్ని కూడా అక్కడ డబ్ అయ్యి విజయాన్నిసొంతం చేసుకుంటాయనే నమ్మకం వ్యక్తం అవుతుంది.మొత్తానికి మన కుర్ర హీరో ను అజిత్ ఎక్కడికో తీసుకు వెళ్లబోతున్నట్లుగా అనిపిస్తుంది.