హమ్మయ్య లోకేష్ విజయం సాధించేశారు ! చిటికెలు చిటికెలు

ఇతర రాష్ట్రాలలో పరీక్షలను రద్దు చేస్తుంటే ఏపీ లో మాత్రం రద్దు చేయడం లేదంటూ పిటిషన్ వేయడంతో, సుప్రీం కోర్టు తీవ్ర ఆగ్రహం వ్యక్తం చేసింది.ఎట్టకేలకు ఏపీ ప్రభుత్వం పరీక్షల నిర్వహణ పై వెనక్కి తగ్గి పరీక్షలను రద్దు చేశారు.ఇక ఆ నిర్ణయం వెలువడిన దగ్గర నుంచి నారా లోకేష్ దే ఆ ఘనత అంటూ, లోకేష్ మద్దతుదారులు, టిడిపి నాయకులు హడావుడి చేస్తూ మీడియా లో మాట్లాడుతుండడం, ఇది లోకేష్ పోరాట ఫలితంగానే సాధ్యమైందని, ఏపీ ప్రభుత్వం వెనక్కి తగ్గాల్సి వచ్చింది అని, ఇవే కాదు ముందు ముందు మరిన్ని కార్యక్రమాలు చేపట్టి ఏపీ ప్రభుత్వ అరాచక పాలనకు చరమగీతం పాడుతాము అంటూ హడావుడి చేసే నాయకుల సంఖ్య టీడీపీ లో మొదలయ్యింది.టెన్త్ ఇంటర్ పరీక్షలు రద్దు అంశంపై విద్యార్థుల తల్లిదండ్రులు సుప్రీంలో పిటిషన్ వేసినా, క్రెడిట్ మొత్తం లోకేష్ దే అన్నట్లుగా టీడీపీ లో ఇప్పుడు బజన కార్యక్రమం మొదలయ్యింది అనే సెటైర్లు ఎక్కువయ్యాయి.