పెళ్లికి ముందే గర్భం.. దర్శకుడిని ప్రశ్నించిన కూతురు..?

గడిచిన రెండు దశాబ్దాల్లో కాలం పూర్తిగా మారిపోయింది.ప్రస్తుతం పిల్లలు తమ తల్లిదండ్రులను బెస్ట్ ఫ్రెండ్స్ లా భావిస్తూ తమ సందేహాలను తల్లిదండ్రుల ద్వారా నివృత్తి చేసుకోవడంతో పాటు బంగారు భవిష్యత్తు వైపు అడుగులు వేస్తున్నారు.

ఫాదర్స్ డే సందర్భంగా అనురాగ్ కశ్యప్, అలియా కశ్యప్ మధ్య సంభాషణకు సంబంధించిన ఒక వీడియో నెట్టింట తెగ వైరల్ అవుతుండగా ఈ వీడియోలోని సంభాషణలపై భిన్నాభిప్రాయాలు వ్యక్తమవుతున్నాయి.

అలియా కశ్యప్ తన తండ్రి, దర్శకుడు అనురాగ్ కశ్యప్ ను పలు ప్రశ్నలు అడగగా అనురాగ్ కశ్యప్ ఆ ప్రశ్నలకు ఊహించని విధంగా సమాధానాలను ఇచ్చారు.

అలియా తన తండ్రిని తన బాయ్ ఫ్రెండ్ అయిన షేన్ గ్రెగోయిర్ ను ఇష్టపడుతున్నావా అని ప్రశ్నించగా గ్రెగోయిర్ చాలా మంచి వ్యక్తి అని అలియా కశ్యప్ మగ స్నేహితుల ఎంపికలో చాలా జాగ్రత్తగా ఉంటుందనే విషయం తనకు తెలుసని అనురాగ్ కశ్యప్ అన్నారు.

బాయ్ ఫ్రెండ్ తో రాత్రి సమయంలో అమ్మాయిలు వెళ్లడం గురించి చెప్పాలని అలియా అనురాగ్ ను అడగగా పరిస్థితులు అప్పటికీ ఇప్పటికీ మారాయని భవిష్యత్తులో మరింత మారతాయని పిల్లలపై మన భయాలను, అభిప్రాయాలను రుద్దడం సరికాదని అనురాగ్ కశ్యప్ వెల్లడించారు.పెళ్లికి ముందే ప్రెగ్నెన్సీ గురించి చెప్పాలని అలియా అడగగా అనురాగ్ ఆసక్తికరమైన సమాధానం ఇచ్చారు.

పెళ్లికి ముందే ప్రెగ్నెన్సీ వచ్చిందని చెబితే నువ్వు ఏం చేయాలని అనుకుంటున్నావో తాను తెలుసుకునే ప్రయత్నం చేస్తానని నువ్వు తీసుకున్న నిర్ణయంను గౌరవించడంతో పాటు మద్దతు కూడా ఇస్తానని అయితే ఆ నిర్ణయానికి మూల్యాన్ని మాత్రం నువ్వే భరించాల్సి ఉంటుందని కూతురుకు అనురాగ్ కశ్యప్ వెల్లడించారు.గతంలో శృంగారానికి సంబంధించిన కొన్ని పదాలను పలకడాన్ని సైతం నేరంగా చూసేవారని అనురాగ్ కశ్యప్ చెప్పుకొచ్చారు.