సాధారణంగా హీరోయిన్లలో కొంతమంది హీరోయిన్లు ఎక్కువమొత్తం పారితోషికం ఆఫర్ చేస్తే ఎలాంటి పాత్రలోనైనా నటించడానికి సిద్ధపడతారు.పలు ప్రముఖ కంపెనీల ఉత్పత్తులు మంచి ఉత్పత్తులు కాకపోయినా ఆ ఉత్పత్తులను ప్రమోట్ చేయడానికి ఆసక్తి చూపుతారు.
అయితే చిన్నారి పెళ్లికూతురు సీరియల్ ద్వారా ప్రేక్షకులకు సుపరిచితమై తెలుగుతో పాటు ఇతర భాషల్లో అవకాశాలు అందిపుచ్చుకుంటున్న అవికా గోర్ మాత్రం ఒక ఫెయిర్ నెస్ ప్రాడక్ట్ చేసే ఆఫర్ రాగా అవికా గోర్ నిర్మొహమాటంగా ఆ ఆఫర్ కు నో చెప్పినట్టు తెలుస్తోంది.
ప్రముఖ కంపెనీ ఆఫర్ ఇచ్చినా నిర్మొహమాటంగా తాను ఆ యాడ్ లో నటించనని అవికా గోర్ తేల్చి చెప్పారని సమాచారం.
కోట్ల రూపాయల పారితోషికం పొందే అవకాశం ఉన్నా ఫెయిర్ నెస్ ప్రాడక్ట్స్ కు ప్రచారం చేయడం ఇష్టం లేక అవికా గోర్ ఆ ప్రకటనకు నో చెప్పినట్టు తెలుస్తోంది.
అవికా గోర్ తో పాటు మరి కొందరు హీరోయిన్లు సైతం కోట్లు ఇస్తామన్నా పలు కంపెనీల బ్రాండ్ లను ప్రమోట్ చేయడానికి ఆసక్తి చూపడం లేదు.
మరోవైపు జనాలు సైతం ఫెయిర్ నెస్ క్రీములను వాడటం వల్ల పెద్దగా ఉపయోగం ఉండదని భావిస్తున్నారు.గతంలో సాయిపల్లవి సైతం రెండు కోట్ల రూపాయల ఆఫర్ వచ్చినా రిజెక్ట్ చేసిన సంగతి తెలిసిందే.ఎవరు ఏ రంగులో ఉన్నా అందంగానే ఉంటారని సాయిపల్లవి అభిప్రాయపడ్డారు.
బాలీవుడ్ స్టార్ హీరోయిన్ కంగనా రనౌత్ సైతం ఫెయిర్ నెస్ క్రీమ్ యాడ్స్ లో నటించడానికి ఆసక్తి చూపలేదు.తన సొంత చెల్లి తెల్లగా ఉండదని అలా ఉండనంత మాత్రాన ఆమె అందంగా లేదని ఏ విధంగా అనగలమని కంగనా రనౌత్ చెప్పుకొచ్చారు.నయనతార కూడా యాడ్స్ కు దూరంగా ఉంటారనే సంగతి తెలిసిందే.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
