స్టార్ డైరెక్టర్ సుకుమార్ తన సినిమాల్లో మాటలు ఎంత అద్భుతంగా రాస్తారో ప్రత్యేకంగా చెప్పాల్సిన అవసరం లేదు.ఆర్య, ఆర్య2 సినిమాలలో సుకుమార్ రాసిన కవితలు ఆ సినిమాలకు హైలెట్ అయ్యాయి.
ఈరోజు సుకుమార్ తన భార్యపై ప్రేమను కురిపించారు.పెళ్లిరోజు సందర్భంగా సుకుమార్ రాసిన కవిత నెట్టింట వైరల్ అవుతుండటం గమనార్హం.
లాజిక్ తో మ్యాజిక్ చేసే సుకుమార్ భార్య ఫిదా అయ్యేలా కవిత రాశారు.
సుకుమార్ భార్య తబిత సోషల్ మీడియాలో యాక్టివ్ గా ఉంటారనే సంగతి తెలిసిందే.
సుకుమార్ సినిమా సెట్స్ లో తబిత కనిపిస్తూ ఆ ఫోటోలను సోషల్ మీడియాలో షేర్ చేసుకుంటూ ఉంటారు.తన పర్సనల్ లైఫ్ తో పాటు పిల్లలకు సంబంధించిన విషయాలను కూడా తబిత సోషల్ మీడియా ద్వారా అభిమానులకు చెబుతూ ఉంటారు.
సుకుమార్ తబిత వివాహం జరిగి 12 సంవత్సరాలు కావడంతో భార్యకు సుకుమార్ అందమైన కవిత్వాన్ని బహుమతిగా ఇచ్చారు.
సుకుమార్ కవితలో నేను ఎప్పుడూ సగాన్నే.నువ్వు నా జీవితంలోకి రాకముందు పూరి కాని సగాన్ని.నువ్వు నా జీవితంలోకి వచ్చిన తరువాత పూర్తైన సగాన్ని.
నీ సగం కావడమే నేను పూర్తి కావడం కదా అని సుకుమార్ పేర్కొన్నారు.సుకుమార్ కవితకు నెటిజన్లు సైతం ఫిదా అవుతున్నారు.
సుకుమార్ రాసిన కవిత చాలా అద్భుతంగా ఉందని సోషల్ మీడియాలో కామెంట్లు పెడుతున్నారు.సుకుమార్ కవిత గురించి స్పందిస్తూ తబిత ఆసక్తికర వ్యాఖ్యలు చేశారు.
సుకుమార్ ఈ విధంగా చెప్పే మాటలే తనను ఎంతో ఆకట్టుకుంటాయని అది సుకుమార్ కు ఉన్న సూపర్ పవర్ అని తబిత వెల్లడించారు.సుకుమార్ చెప్పే మాటలకే తాను పడిపోయానని ఐలవ్యూ అంటూ తబిత చెప్పుకొచ్చారు.తబిత సుకుమార్ కవితను సోషల్ మీడియాలో పోస్ట్ చేయగా ఆ పోస్ట్ నెట్టింట వైరల్ అవుతోంది.
