టాలీవుడ్ డాషింగ్ అండ్ డైనమిక్ హీరో గోపీచంద్ ఈ రోజు పుట్టిన రోజును జరుపుకుంటున్నారు.ఈ సందర్భంగా ఆయన నటిస్తున్న సీటిమార్ సినిమా నుండి ఒక కొత్త పోస్టర్ ను ఆయన పుట్టిన రోజు కానుకగా విడుదల చేసారు.
ఈ పోస్టర్ లో స్టైలిష్ లుక్ తో ప్రేక్షకులను ఆకట్టుకున్నాడు.అంతేకాదు కాస్ట్యూమ్స్ కూడా కొత్తగా ఉన్నాయి.
ఈ పోస్టర్ లో గోపీచంద్ విజిల్ వేస్తూ కనిపించాడు.
సంపత్ నంది దర్శకత్వంలో సీటిమార్ సినిమా రూపొందుతుంది.
వరుస ప్లాపులతో సతమతమవుతున్నగోపీచంద్ కు ఈ సినిమా కీలకంగా మారింది.కబడ్డీ నేపథ్యంలో రూపొందుతున్న ఈ సినిమాలో గోపీచంద్ కబడ్డీ లేడీస్ టీమ్ కోచ్ గా పనిచేస్తున్నాడు.
ఈ సినిమాలో తమన్నా, దిగంగన సూర్య వంశి హీరోయిన్స్ గా నటిస్తున్నారు.ఈ సినిమాలో తమన్నా కబడ్డీ టీమ్ కోచ్ జ్వాలా రెడ్డిగా నటిస్తుంది.
ఎమోషన్ తో పాటు థ్రిల్లింగ్ కాన్సెప్ట్ తో ఈ సినిమా తెరకెక్కుతుంది.భారీ బడ్జెట్ తో ఈ సినిమాను తెరకెక్కిస్తున్నారు.ఈ సినిమా షూటింగ్ పూర్తి చేసుకుని రిలీజ్ కు సిద్ధంగా ఉంది.ఈ సినిమా ఏప్రిల్ 2 నవిడుదల కావాల్సి ఉండగా కరోనా కారణంగా మేకర్స్ ఈ సినిమా విడుదల వాయిదా వేస్తున్నట్టు ప్రకటించారు.
భూమిక కూడా ఈ సినిమాలో కీలక పాత్రలో నటిస్తుంది.
దీంతో పాటు గోపీచంద్ మారుతీ దర్శకత్వంలో పక్కా కమర్షియల్సినిమాలో నటిస్తున్నాడు.ఈ సినిమా పక్కా ఎంటర్టైనర్ గా తెరకెక్కిస్తున్నట్లు సమాచారం.గీత ఆర్ట్స్, యువీ క్రియేషన్స్ సంయుక్తంగా ఈ సినిమాను నిర్మిస్తున్నారు.
ఈ సినిమాలో రాశి ఖన్నా హీరోయిన్ గా నటిస్తుంది.మరి హిట్టు ప్లాప్ తో సంభంధం లేకుండా వరుసపెట్టి సినిమాలు చేసుకుంటూ పోతున్న గోపీచంద్ కు సీటిమార్ సినిమా అన్న హిట్ అవుతుందో లేదో చూడాలి.