ఇస్మార్ట్ శంకర్, రెడ్ సినిమాలతో టాలెంటెడ్ హీరో రామ్ వరుస విజయాలను సొంతం చేసుకున్న సంగతి తెలిసిందే.ప్రస్తుతం ఈ హీరో లింగుస్వామి డైరెక్షన్ లో ఒక సినిమాకు ఓకే చెప్పగా అల్లు అర్జున్ రిజెక్ట్ చేసిన కథలో రామ్ నటిస్తున్నారని ప్రచారం జరుగుతుండటం గమనార్హం.
అయితే రామ్ తన పారితోషికాన్ని భారీగా పెంచేసినట్లు తెలుస్తోంది.టాలీవుడ్ స్టార్ హీరోలు ప్రస్తుతం 50 కోట్లకు అటూఇటుగా రికార్డు స్థాయిలో పారితోషికం తీసుకుంటున్న సంగతి తెలిసిందే.
రామ్ ప్రస్తుతం ఒక్కో సినిమాకు 10కోట్ల రూపాయలు డిమాండ్ చేస్తున్నారని సమాచారం.రామ్ సినిమాలకు తెలుగుతో పాటు ఇతర భాషల్లో కూడా బాగానే క్రేజ్ ఉంది.హిందీలో డబ్బింగ్ అయిన రామ్ సినిమాలు అక్కడ రికార్డు స్థాయిలో వ్యూస్ ను సొంతం చేసుకుంటున్నాయి.త్వరలో పాన్ ఇండియా డైరెక్టర్ మురుగదాస్ రామ్ కాంబినేషన్ లో ఒక సినిమా తెరకెక్కనుందని సోషల్, వెబ్ మీడియాలో జోరుగా ప్రచారం జరుగుతోంది.
రామ్ లింగుస్వామి దర్శకత్వంలో తెరకెక్కుతున్న సినిమా తెలుగుతో పాటు తమిళంలో కూడా తెరకెక్కనుండగా రామ్ సినిమాల శాటిలైట్, డిజిటల్ హక్కులకు భారీగా డిమాండ్ నెలకొంది.ఈ కారణాల వల్లే రామ్ తన రెమ్యునరేషన్ ను భారీగా పెంచేసినట్లు ఇండస్ట్రీ వర్గాల్లో వినిపిస్తోంది.
రామ్ కు జోడీగా కృతిశెట్టి ఈ సినిమాలో నటిస్తున్నారని సమాచారం.రామ్ ప్రస్తుతం తన మార్కెట్ ను పెంచుకునే పనిలో పడ్డారని తెలుస్తోంది.
రామ్ ప్రస్తుతం నటిస్తున్న సినిమాలు హిట్టైతే రామ్ రెమ్యునరేషన్ మరింత పెరిగే అవకాశాలు అయితే ఉంటాయని చెప్పవచ్చు.మల్టీ లాంగ్వేజ్ మూవీస్ చేయాలనే రామ్ ఆలోచన సక్సెస్ అయితే రామ్ దారిలో మరి కొందరు హీరోలు కూడా ఈ తరహా సినిమాలు చేసే అవకాశాలు అయితే ఉన్నాయి.
తెలుగు వార్త విశేషాలు సులభముగా తెలుసుకోండి!!!!
