తెలుగు ప్రేక్షకులకు దివి గురించి బిగ్ బాస్ సీజన్ 4 ముందు వరకు ఎవరికి తెలియదు.కాని ఎప్పుడైతే ఆమెకు బిగ్ బాస్ సీజన్ 4 లో ఆఫర్ వచ్చిందో అప్పటి నుండి ఆమె ఎవరు అనే విషయమై జనాలు చర్చించుకోవడం మొదలు పెట్టారు.
గతంలో కొన్ని సినిమాల్లో నటించిందా అంటూ ఆ తర్వాత ఆశ్చర్యంగా ఆ సినిమాల్లో సన్నివేశాలను చూసి ఆశ్చర్య పోయారు.సోషల్ మీడియాలో ముద్దుగుమ్మ దివికి పెద్ద ఫాలోయింగ్ ఉంది.
అలాంటి దివి నటించిన ‘క్యాబ్ స్టోరీస్‘ సినిమా రామ్ గోపాల్ వర్మ ఓటీటీ స్పార్క్ ద్వారా ప్రేక్షకుల ముందుకు రాబోతుంది.ఇన్ని రోజులు ఆ సినిమా గురించి ఎక్కడ కూడా బయట చర్చ జరిగిందే లేదు.
కాని నేడు ఈ సినిమా ట్రైలర్ ను మిల్కీ బ్యూటీ తమన్నా విడుదల చేసింది.దాంతో ఒక్కసారిగా ఏంటీ ఈ క్యాబ్ స్టోరీస్ అంటూ నెట్టింట సెర్చ్ చేసే ప్రయత్నం చేస్తున్నారు.
పార్ట్ లుగా రాబోతున్న ఈ క్యాబ్ స్టోరీస్ కు ఇది మొదటి భాగంగా తెలుస్తోంది.మిల్కీ బ్యూటీ తమన్నా కొద్ది సేపటి క్రితం ఈ సినిమా ట్రైలర్ ను తన సోషల్ మీడియా వాల్ పై షేర్ చేసింది.
అంతే కాకుండా చాలా ఇంట్రెస్టింగ్ గా ఉందంటూ కూడా కామెంట్ పెట్టి లింక్ ను షేర్ చేసింది.ఈనెల 28 నుండి స్పార్క్ ఓటీటీ లో ఈ సినిమా ను స్ట్రీమింగ్ చేయండి అంటూ పేర్కొంది.
చిత్ర యూనిట్ సభ్యులందరికి కూడా ఆల్ ది బెస్ట్ చెప్పిన తమన్నా ట్వీట్ తో ఒక్కసారిగా క్యాబ్ స్టోరీస్ సినిమా పై అంచనాలు పెరిగి పోయాయి.దివి తో పాటు ఈ సినిమాలో షిహన్, ధన్ రాజ్ మరియు ప్రవీన్ లు కీలక పాత్రలో నటించాడు.
కామెడీతో పాటు హర్రర్ థ్రిల్లర్ ఎలిమెంట్స్ కూడా ఈ సినిమాలో పుష్కలంగా ఉంటాయని మేకర్స్ చెబుతున్నారు.స్పార్క్ ద్వారా విడుదల కాబోతున్న ఈ వెబ్ మూవీ కి మంచి టాక్ వస్తే దివి కి పెద్ద హీరోలతో నటించే అవకాశాలు కూడా వచ్చే అవకాశం ఉంది.