చాలా మందికి పువ్వులు అంటే చాలా ఇష్టం.పువ్వులు ప్రతి ఆడవారి తలలో ఖచ్చితంగా ఉండాల్సిందే.
అలాగే పువ్వులు అనేవి దేవునికి అలంకరించడం ఆనవాయితీ.చామంతి, మల్లీ, బంతి పువ్వులు ఏ పండుగ వచ్చినా ఇంట్లో, ఆఫీసుల్లో తప్పకుండా కనిపిస్తాయి.
ముఖ్యంగా చెప్పాలంటే గులాబీ పువ్వులే ఎక్కువగా ఉపయోగిస్తారు.ఏ సీజన్ లో అయినా ఈ పువ్వులు అధిక మోతాదులో పూస్తాయి.
ఇలా ప్రపంచంలో అనేక పువ్వులు పూస్తాయి.అన్నింటి గురించి చాలా మందికి తెలీదు.
అయితే కొన్ని పువ్వులు కొన్ని సంవత్సరాల వరకూ పూయవు.తాజాగా అలాంటి పువ్వు గురించే ఇప్పుడు మనం తెలుసుకుందాం.
ఓ పువ్వు 10 సంవత్సరాలలో ఒకసారి మాత్రమే పూస్తుంది.వినడానికి ఆశ్చర్యంగానే ఉన్నా అది మీరు నమ్మాల్సిందే.
పదేళ్లకు వికసించే ఈ పువ్వు వల్ల అతి దరిద్రమైన వాసన వస్తుంది.అయినా కానీ ప్రజలు ఈ పువ్వు చూడటానికి ఎగబడుతుండటం విశేషమనే చెప్పాలి.
అమెరికాలోని శాన్‌ఫ్రాన్సిస్కో నగరంలో కార్ఫ్స్ ఫ్లవర్ అనే అరుదైన పువ్వును గుర్తించారు.ఈ పువ్వు దాదాపు 10 సంవత్సరాల తరువాత వికసించదు.ప్రజలు దూర ప్రాంతాల నుంచి దీనిని చూడటానికి తరలి వస్తుంటారు.బే ఏరియా నర్సరీలో ఈ అరుదైన పువ్వు వికసించింది.
నర్సరీలో పనిచేసే వర్కర్లు పువ్వు ఫోటోను క్లిక్ చేసి సోషల్ మీడియాలో షేర్ చేశారు.పువ్వు చిత్రాన్ని చూసిన తరువాత చాలా మంది దీనిని చూడాలనుకుంటున్నారు.
ఈ పువ్వును చూడటానికి చాలామంది ప్రజలు దూర ప్రాంతాల నుంచి వస్తున్నారని నర్సరీ యజమాని చెబుతున్నారు.ఈ పువ్వు 12 అడుగుల ఎత్తు వరకు ఉంటుందని యుఎస్ బొటానిక్ గార్డెన్ తెలిపింది.
వికసించడానికి సుమారు 10 సంవత్సరాలు పడుతుంది.ఆశ్చర్యకరంగా ఈ పువ్వు వాసన చాలా చెడ్డగా ఉంటుంది.
అది సాధారణమైనది కాదు పచ్చి మాంసం లేదా శవం వాసన వస్తుంది.ఈ పువ్వు వద్దకు చేరుకోగానే ప్రజలు ముక్కులు మూసుకుంటారు.
పువ్వు వల్ల ఎటువంటి హాని ఉండదు కానీ వాసన మాత్రమే ఇబ్బంది పెడుతుంది.
