సినిమా వాళ్ళు రాజకీయాలలోకి రావడం అన్నది చాలా సహజం.ఎందుకంటే సినిమా వారు జనాలకు సుపరిచితమే కాబట్టి మరల జనాలకు కొత్తగా పరిచయం చేసుకోవాల్సిన అవసరం ఉండదు.
అందుకే సినిమా వారు రాజకీయాలలోకి ప్రవేశించడానికి తహతహ లాడుతుంటారు.అయితే ఎక్కువ మంది సినిమా వాళ్ళు రాజకీయాలలోకి వెళ్లినా ఒక్క ఎన్టీఆర్ తప్ప పెద్దగా ఎవరూ విజయం సాధించిన పరిస్థితి లేదు.
అయితే సినిమా నటులపై రాజకీయాలలోకి రావాలని ఒత్తిడి ఉండటం సహజం.అందరికీ ఉన్నా ఎవరి వ్యక్తిగత నిర్ణయాన్ని బట్టి రాజకీయాలలోకి రావాలా వద్దా అనే నిర్ణయం తీసుకుంటారు.
తరచూ రాజకీయాలపై, రాజకీయ నాయకులపై వివాదాస్పద వ్యాఖ్యలు చేసే రామ్ గోపాల్ వర్మను ఓ వ్యక్తి మీరు భవిష్యత్తులో రాజకీయాలలోకి వస్తారా అని అడిగాడు.అయితే ఆ ప్రశ్నకు సమాధానంగా నాకు రాజకీయాలంటే ఇష్టం ఉండదని, నాకు ప్రజలకు సేవ చేయాలని లేదని, నాకు నేనే సేవ చేసుకునే సమయం లేదని, ఇక నేను ప్రజా సేవ ఏం చేస్తానని రామ్ గోపాల్ వర్మ అన్నాడు.
రాజకీయ నాయకులందరు ప్రజా సేవ పేరుతో రాజకీయాలలోకి వస్తున్నా వారెవరికి ప్రజా సేవ చేయాలని ఉండదని, కేవలం పేరు, పవర్ కోసమే రాజకీయాలలోకి వస్తారని ఆర్జీవీ కుండబద్దలు కొట్టాడు.ఇప్పుడు నెట్టింట్లో ఈ వార్త తెగ వైరల్ గా మారుతోంది.
