టాలీవుడ్ లో క్రేజీ హీరోయిన్ గా దూసుకుపోతున్న అందాల ముద్దుగుమ్మ రష్మిక మందన.ఈ బ్యూటీ చేతిలో ప్రస్తుతం రెండు సినిమాలు షూటింగ్ దశలో ఉన్నాయి.
మరో రెండు క్రేజీ ప్రాజెక్ట్స్ కోసం రష్మిక పేరు వినిపిస్తుంది.కరోనా సెకండ్ వేవ్ కారణంగా వాటిని ఇంకా అఫీషియల్ గా ఎనౌన్స్ చేయలేదు.
మరో వైపు బాలీవుడ్ లో బ్యాక్ టూ బ్యాక్ మూడు సినిమాలని లైన్ లో పెట్టేసింది.వీటిలో రెండు సినిమాలపై మంచి బజ్ ఉంది.
మరో వైపు ఇప్పటికే సుల్తాన్ సినిమాతో కోలీవుడ్ లోకి ఎంట్రీ ఇచ్చింది.ఆ సినిమా అనుకున్న స్థాయిలో వర్క్ అవుట్ కాకున్నా నటిగా మాత్రం మంచి మార్కులు వేసుకుంది.
దీంతో తమిళ్ ఇండస్ట్రీ నుంచి ఆఫర్స్ క్యూ కడుతున్నాయి.అక్కడి శివ కార్తికేయన్, సూర్య, ధనుష్, విజయ్ లాంటి హీరోలకి జోడీగా రష్మిక పేరు తెరపైకి వస్తుంది.
ఇప్పటికే ఒకటి, రెండు సినిమాలకి సైన్ కూడా చేసినట్లు తెలుస్తుంది.అయితే అవి ఏంటి అనేది అఫీషియల్ గా ఎనౌన్స్ చేసే వరకు వేచి చూడాలి.
మొత్తానికి సౌత్ తో పాటు బాలీవుడ్ లో కూడా ఏకంగా ఎనిమిది సినిమాల వరకు రష్మిక మందన చేతిలో ప్రస్తుతం ఉన్నాయనే టాక్ గట్టిగా వినిపిస్తుంది.దీంతో ఈ అమ్మడు కాల్ షీట్స్ డైరీ కూడా ఓ రెండేళ్ళ వరకు ఫుల్ అయిపోయిందని సమాచారం.
ఆమె ఇప్పుడు చేస్తున్న సినిమాలలో చాలా వరకు మంచి హైప్ ఉన్నవే కావడంతో కచ్చితంగా భవిష్యత్తులో నెంబర్ వన్ హీరోయిన్ గా మారిపోయే అవకాశం ఉందనే మాట వినిపిస్తుంది.బాలీవుడ్ సినిమాలు చేస్తూ ఉండటంతో రెమ్యునరేషన్ పరంగా కూడా రెండు కోట్ల వరకు కొత్త ప్రాజెక్ట్ లకి రెండు కోట్ల వరకు డిమాండ్ చేస్తున్నట్లు బోగట్టా.
