టాలీవుడ్ స్టార్ హీరోలలో కొత్త దర్శకులకు ఎక్కువగా సినిమా ఆఫర్లు ఇచ్చే హీరో ఎవరైనా ఉన్నారా అంటే ఆ హీరో నాగార్జున అనే చెప్పాలి.కథ నచ్చితే కొత్త దర్శకుడు, పాత దర్శకుడు అనే తేడాల్లేకుండా ఎంతోమంది దర్శకులకు అవకాశాలు ఇచ్చిన నాగార్జున కొన్నిసార్లు విజయాలను సొంతం చేసుకుంటే మరి కొన్నిసార్లు ఘోరమైన డిజాస్టర్లను చవిచూశారు.
నాగ్ హీరోగా తెరకెక్కి ఈ నెల 2వ తేదీన విడుదలైన వైల్డ్ డాగ్ సినిమాకు కూడా కొత్త డైరెక్టర్ డైరెక్షన్ చేసిన సంగతి తెలిసిందే.
అయితే ఈతరం దర్శకులపై నాగార్జున ఒక విషయంలో సీరియస్ అయ్యారు.
దాదాపు రెండు దశాబ్దాల క్రితం వరకు తక్కువ సమయంలోనే సినిమాల షూటింగ్ లు పూర్తయ్యేవి.ఆ కారణం వల్లే ఒకే ఏడాది సీనియర్ స్టార్ హీరోలు నటించిన సినిమాలు ఒకే ఏడాదిలో పది కూడా రిలీజ్ అయ్యాయి.
కానీ ప్రస్తుతం ఒక సినిమా షూటింగ్ పూర్తి కావడానికి ఆరు నెలల నుంచి సంవత్సరం సమయం పడుతుండటం గమనార్హం.
పాన్ ఇండియా సినిమాలు తెరకెక్కడానికి సంవత్సరం నుంచి రెండు సంవత్సరాల సమయం పడుతోంది.ఈతరం దర్శకులు 50 రోజుల్లో ఒక సినిమాను పూర్తి చేయాలని నాగార్జున సూచించారు.ఒక సినిమా కోసం దర్శకులు సంవత్సరాలు ఎందుకు తీసుకుంటున్నారో తనకు అర్థం కావడం లేదని నాగార్జున పేర్కొన్నారు.90ల నుంచి వెనక్కు తీసుకొని రావాల్సిన క్వాలిటీ ఏమిటనే ప్రశ్నకు నాగార్జున ఈ విధంగా సమాధానమిచ్చారు.
తక్కువ రోజుల్లో షూటింగ్ జరిగితే నిర్మాతలకు ఖర్చు తగ్గడంతో పాటు ఎక్కువ సంఖ్యలో సినిమాలు రిలీజయ్యే అవకాశం ఉంటుంది.మరి నాగార్జున సూచనలను ఈతరం దర్శకులు ఫాలో అవుతారో లేదో చూడాల్సి ఉంది.
రానా నంబర్ 1 యారి షోకు హాజరైన నాగార్జున ఆ సమయంలో ఈతరం దర్శకులపై సెటైర్లు వేశారు.