ఈ ప్రపంచంలో ఎందరో బ్రతకడానికి సరిపడా డబ్బులు లేక ఆత్మహత్యలు చేసుకుంటున్న విషయం తెలిసిందే.ఇదే సమయంలో లక్షలు, కోట్లల్లో సంపాదిస్తూ దర్జాగా బ్రతుకుతున్న వారు కూడా ఉన్నారు.
నిజానికి ఈ బ్రతుకు పోరాటం చాలా చిత్రంగా ఉందనిపిస్తుంది.ఇలాంటి ఘటనలు కనిపించినప్పుడు.
ఇక ఎవరైనా సంపాదిస్తే నెలకు లక్ష, లేదా ఐదు, ఆరు లక్షల వరకు సంపాదిస్తారు.కానీ ఒక మహిళ మాత్రం గంటకు రూ.65 లక్షలు సంపాదిస్తుందట.ఈ లెక్కన రోజుకు దాదాపు రూ.13 కోట్లు, సంవత్సరానికి దాదాపు రూ.4 వేల కోట్ల వరకు ఆ మహిళ సంపాదన ఉందట.వింటుంటేనే చాలా ఆసక్తిగా ఉంది కదూ.మరి ఆమె వివరాలు తెలుసుకుంటే.
యూకేకు చెందిన డెనిస్ కోయెత్స్ అనే మహిళ ఆన్ లైన్ జూదానికి కేరాఫ్ అడ్రస్ గా ఉన్న ‘బెట్ 365‘ కంపెనీ యజమానురాలు.కాగా ఇటీవల ముగిసిన ఆర్థిక సంవత్సరంలో సంస్థ ఆదాయ, వ్యయాలను లెక్కిస్తే, ఆమెకు అందిన మొత్తం 469 మిలియన్ పౌండ్లు.
ఈ మొత్తంలో వేతనం కింద 421 మిలియన్ పౌండ్లు కాగా, కంపెనీలో 50 శాతం వాటా ఉన్న ఆమెకు డివిడెండ్ల రూపంలో 48 మిలియన్ పౌండ్లు వచ్చాయట.ఇక ఈ మొత్తం విలువ రూపాయల్లో చూస్తే, 5,742 కోట్లకు పైగానే.
ఇదిలా ఉండగా బ్రిటన్ ప్రధాని బోరిస్ జాన్సన్ తీసుకునే జీతంతో పోలిస్తే, డెనిస్ కోయెత్స్ జీతం 2,360 రెట్లు అధికం కావడం గమనార్హం.
