అక్కినేని యంగ్ హీరో నాగచైతన్య నటిస్తున్న లేటెస్ట్ మూవీ ‘లవ్ స్టోరి’ ప్రస్తుతం రిలీజ్కు రెడీ అయ్యింది.ఈ సినిమా రిలీజ్ కాకముందే, తన నెక్ట్స్ మూవీ ‘థ్యాంక్ యు’ను ప్రారంభించాడు చైతూ.
ఈ సినిమాను దర్శకుడు విక్రమ్ కుమార్ తెరకెక్కిస్తుండటంతో ఈ సినిమా ఎలా ఉండబోతుందా అనే ఆసక్తి అందరిలో నెలకొంది.కాగా ఈ సినిమాలో చైతూ సరసన అందాల భామ రాశి ఖన్నా హీరోయిన్గా నటించబోతున్నట్లు చిత్ర యూనిట్ ఇప్పటికే ప్రకటించింది.
అయితే ఈ సినిమాను పూర్తి రొమాంటిక్ ఎంటర్టైనర్గా దర్శకుడు విక్రమ్ కుమార్ తెరకెక్కిస్తుండగా, ఈ సినిమాలో మరో ఇద్దరు హీరోయిన్లు నటించబోతున్నట్లు తెలుస్తోంది.ఈ సినిమాలో అందాల భామలు మాళవికా నాయర్, అవికా గోర్లు కూడా నటించనున్నట్లు చిత్ర వర్గాల్లో టాక్ వినిపిస్తోంది.
అయితే ఈ సినిమాలో వీరిద్దరు కేమియో పాత్రల్లో నటిస్తారా లేక ఫుల్ లెంగ్త్ రోల్లో నటిస్తాడా అనేది ఆసక్తికరంగా మారింది.ఏదేమైనా ముగ్గురు భామలతో రొమాన్స్ చేసేందుకు చైతూ రెడీ అవుతుండటంతో ఈ సినిమాలో ఆయన పాత్ర ఎలా ఉండబోతుందా అని అందరూ ఆసక్తిగా చూస్తున్నారు.
మరి ఈ సినిమా ఎలాంటి సబ్జెక్ట్తో వస్తుందో తెలియాలంటే ఈ సినిమా రిలీజ్ అయ్యే వరకు ఆగాల్సిందే అంటున్నారు సినీ విశ్లేషకులు.
అటు లవ్ స్టోరి చిత్రంతో అదిరిపోయే హిట్ కొట్టాలని చైతూ చూస్తున్నాడు.
ఫీల్ గుడ్ చిత్రాల దర్శకుడు శేఖర్ కమ్ముల తెరకెక్కిస్తున్న ఈ సినిమాలో అందాల భామ సాయి పల్లవి హీరోయిన్గా నటిస్తుండటంతో ఈ సినిమాపై భారీ అంచనాలు క్రియేట్ అయ్యాయి.ఇక ఈ సినిమాలోని సారంగ దరియా పాట ఇప్పటికే ప్రేక్షకులను ఉర్రూతలూగించిన సంగతి తెలిసిందే.
మరి లవ్ స్టోరి చిత్రం ఎలాంటి విజయాన్ని అందుకుంటుందో తెలియాలంటే మరికొన్ని రోజులు వెయిట్ చేయాల్సిందే.