పవర్ స్టార్ పవన్ కళ్యాణ్ నటిస్తున్న తాజా చిత్రం ‘వకీల్ సాబ్’ వేసవి కానుకగా రిలీజ్ అయ్యేందుకు రెడీగా ఉన్న సంగతి తెలిసిందే.ఇటీవల రిలీజ్ అయిన ఈ సినిమా ట్రైలర్ యూట్యూబ్‌ను ఏ విధంగా దడదడలాడించిందో మనకు తెలిసిందే.
మూడేళ్ల తరువాత పవన్ బొమ్మ వెండితెరపై మెరవనుండటంతో పవన్ ఫ్యాన్స్ సంతోషానికి ఆకాశమే హద్దుగా మారింది.ఇక ఈ సినిమాతో పవన్ సరికొత్త రికార్డులు క్రియేట్ చేయడం ఖాయమని అభిమానులతో పాటు ప్రేక్షకులు కూడా అంటున్నారు.
కాగా 1 మిలియన్ వ్యూస్ సాధించిన ఫస్ట్ ఎవర్ ట్రైలర్‌గా వకీల్ సాబ్ ట్రైలర్ నిలిచింది.దీంతో ఈ సినిమా టీజర్‌ను ఇప్పుడు పవన్ ఫ్యాన్స్ టార్గెట్ చేస్తున్నారు.
ఇప్పటికే 9 లక్షల లైక్స్ సాధించిన వకీల్ సాబ్ టీజర్‌కు 1 మిలియన్ లైక్స్ తెచ్చే పనిలో పవన్ ఫ్యాన్స్ ఉన్నారట.ఈ విధంగా పవన్ కళ్యాణ్ పేరిట రెండు 1 మిలియన్ రికార్డులు నెలకొల్పాలని ఆయన ఫ్యాన్స్ అనుకుంటున్నారు.
దీంతో ఇప్పుడు పవన్ అభిమానులు వకీల్ సాబ్ టీజర్‌ను మరింత ట్రెండ్ అయ్యేలా చేస్తున్నారట.ఇక ఈ సినిమాను వేసవి కానుకగా ఏప్రిల్ 9న ప్రపంచవ్యాప్తంగా భారీ ఎత్తున రిలీజ్ చేస్తుండటంతో వకీల్ సాబ్ ఎలాంటి సెన్సేషన్ క్రియేట్ చేస్తాడా అని అందరూ ఆసక్తిగా చూస్తున్నారు.
ఈ సినిమాలో పవన్ లాయర్ పాత్రలో నటిస్తుండగా, నివేదా థామస్, అంజలి, అనన్యాలు ఇతర ముఖ్య పాత్రల్లో నటిస్తున్నారు.అందాల భామ శృతి హాసన్ ఈ సినిమాలో పవన్‌కు జోడీగా ఓ కేమియో రోల్‌లో నటిస్తోంది.
దర్శకుడు వేణు శ్రీరామ్ తెరకెక్కించిన ఈ సినిమా ఇండస్ట్రీ రికార్డులను తిరగరాయడం ఖాయమని చిత్ర వర్గాలు ధీమా వ్యక్తం చేస్తున్నాయి.మరి వకీల్ సాబ్ ఎలాంటి సెన్సేషన్ క్రియేట్ చేస్తాడో తెలియాలంటే మరికొద్ది రోజులు వెయిట్ చేయాల్సిందే.
