స్టార్ దర్శకుడు అనిల్ రావిపూడి ప్రస్తుతం ఎఫ్3 మూవీని తెరకెక్కిస్తున్న సంగతి తెలిసిందే.ఎఫ్2 సీక్వెల్ గా ఈ మూవీ రెడీ అవుతుంది.వెంకటేష్, వరుణ్ తేజ్, తమన్నా, మెహరీన్ పాత్రల చుట్టూనే మొదటి సినిమాకి కొనసాగింపుగా ఈ సీక్వెల్ కథ ఉండబోతుంది.దిల్ రాజు ఏకంగా 80 కోట్ల బడ్జెట్ తో ఈ సినిమాని నిర్మిస్తున్నట్లు తెలుస్తుంది.
భారీ మొదటి సినిమాలో ఉన్న పాత్రలన్నీ ఈ సినిమాలో కూడా కొనసాగింపుగా ఉంటాయని తెలుస్తుంది.ఇప్పటికే ఈ సినిమా సగానికి పైగా షూటింగ్ కంప్లీట్ అయిపొయింది.ఈ సినిమాలో మనీ చుట్టూ అనిల్ రావిపూడి ఈ సారి ఫన్ ని జెనరేట్ చేసే పనిలో ఉన్నాడని తెలుస్తుంది.ఇక అవుట్ అండ్ అవుట్ ఫ్యామిలీ కామెడీ ఎంటర్టైనర్ గా తెరకెక్కుతున్న ఈ సినిమాలో కొన్ని కొత్త పాత్రలని కూడా పరిచయం చేస్తున్నారు.
అందులో భాగంగా సినిమాలో మూడో హీరోయిన్ కి స్కోప్ ఉండటంతో ఓ హాట్ బ్యూటీని ఫైనల్ చేశారని సమాచారం.
బాలకృష్ణతో ఏకంగా మూడు సినిమాలలో నటించిన బాలీవుడ్ బ్యూటీ సోనాల్ చాహన్ ని ఈ మూడో హీరోయిన్ పాత్ర కోసం ఖరారు చేసినట్లు బోగట్టా.
ఇప్పటికే ఆమెకి కథ కూడా చెప్పడం జరిగిందని, ఆమె త్వరలో షూటింగ్ లో జాయిన్ అవుతుందని తెలుస్తుంది.సినిమాని ఈ ఏడాది ఆఖరులో ప్రేక్షకుల ముందుకి తీసుకొచ్చేందుకు దర్శకుడు అనిల్ రావిపూడి ప్లాన్ చేస్తున్నారు.
ఇదిలా ఉంటే దీని తర్వాత అనిల్ రావిపూడి మళ్ళీ సూపర్ స్టార్ మహేష్ బాబుతోనే సినిమా చేస్తాడని తెలుస్తుంది.అది కూడా దిల్ రాజు బ్యానర్ లోనే ఉంటుందని సమాచారం.