నటి కృతి శెట్టి ఈ పేరు తెలుగు రాష్ట్రాల్లో మారుమ్రోగిపోతోంది.ఉప్పెన సినిమా బ్లాక్ బస్టర్ హిట్ కావడంతో ఇప్పుడు ఈ భామ ఓవర్ నైట్ స్టార్ గా మారిపోయింది.
ఉప్పెన సినిమాలో తన క్యూట్ ఎక్స్ ప్రెషన్స్ తో మంచి నటనతో విమర్శకుల ప్రశంసలు అందుకుంది.ఉప్పెన హిట్ తో ఇప్పుడు ఈ భామకు వరుస ఆఫర్లు క్యూ కడుతున్నాయి.
అయితే తాజాగా పోసాని సుధీర్ కుమార్ సినిమాలో ఇంద్రగంటి మోహనక్రిష్ణ డైరెక్షన్ లో నటిస్తున్నట్టు తన ట్విట్టర్ ద్వారా తెలిపింది.ఇప్పటికే ఈ భామకు డైరెక్టర్ తేజ సినిమాలో కూడా హీరోయిన్ గా పరిశీలిస్తున్నారు.
ఏది ఏమైనా ఈ భామకు హీరోయిన్ గా మంచి డిమాండ్ ఉందనేది చెప్పవచ్చు.
ఉప్పెన తరువాత సినిమాలు వరుస హిట్ అయితే ఇక కృతి శెట్టిని అందుకోవడం మిగతా హీరోయిన్లకు సాధ్యం కాకపోవచ్చు.17 ఏళ్ల వయసులోనే ఇంత స్టార్ డమ్ సంపాదించుకున్న ఈ భామ, ఇక మంచి హిట్ సినిమాలలో నటిస్తూ ప్రేక్షకుల ఆదరణ పొందితే సినీ పరిశ్రమలో నిలదొక్కుకునే అవకాశం ఉంది.ఇప్పటికే ఒక వైష్ణవ్ తేజ్ తో నటించి మెగా కాంపౌండ్ లోకి అడుగుపెట్టిన కృతిశెట్టి ఒక్కొక్కరిగా మెగా హీరోలను చుట్టేసే అవకాశం ఉంది.
ఇక అలా అయితే సక్సెస్ ల పరంపర కొనసాగే అవకాశం ఉంది.త్వరలో నానితో జతకట్టనున్న కృతి శెట్టి అందులో ఎటువంటి పాత్రతో అలరిస్తుందో అని కృతి శెట్టి అభిమానులు వేచి చూస్తున్నారు.