గత కొన్ని నెలల నుంచి టాలీవుడ్ ఇండస్ట్రీలో విలక్షణ నటుడు విజయ్ సేతుపతి పేరు మారుమ్రోగుతోంది.96 సినిమా తమిళ్ వెర్షన్ ను చూసిన చాలామంది ఫ్యాన్స్ ఆ సినిమాలో విజయ్ నటనకు ఫిదా అయిపోయారు.ఈ ఏడాది విడుదలైన మాస్టర్ సినిమాలో విజయ్ సేతుపతి తన నటనతో విజయ్ నే డామినేట్ చేశాడని కామెంట్లు వినిపించగా ఉప్పెన సినిమాకు తెలుగులో ఊహించని స్థాయిలో కలెక్షన్లు రావడానికి విజయ్ సేతుపతి కారణమని చెప్పవచ్చు.
విజయ్ సేతుపతికి రోజురోజుకు క్రేజ్ పెరుగుతుండటంతో దర్శకనిర్మాతలు విజయ్ సేతుపతి తమ భవిష్యత్తు సినిమాల్లో ఉండే విధంగా జాగ్రత్తలు తీసుకుంటున్నారు.అయితే విజయ్ సేతుపతి మాత్రం కొత్త ఆఫర్లను అంగీకరించడం లేదని కొత్తగా వస్తున్న ఆఫర్లలో చాలా ఆఫర్లను రిజెక్ట్ చేశారని తెలుస్తోంది.2023 వరకు విజయ్ సేతుపతి వరుస ఆఫర్లతో ఇప్పటికే బిజీగా ఉన్నారట.
2020 సంవత్సరంలోనే భవిష్యత్తులో తెరకెక్కే చాలా సినిమాలకు విజయ్ సేతుపతి డేట్లు ఇచ్చేశాడని భారీ ఆఫర్ అయితే తప్ప ఇప్పట్లో విజయ్ సేతుపతి కొత్త సినిమా ఆఫర్లకు అంగీకరించే పరిస్థితులు అయితే లేవని తెలుస్తోంది.ఇప్పటికే చాలా సినిమాలకు డేట్లు కేటాయించడంతో మంచి పాత్రలు వచ్చినా విజయ్ సేతుపతి నో చెప్పాల్సిన పరిస్థితి ఏర్పడిందని సమాచారం.
తెలుగు, తమిళంతో పాటు ఇతర భాషల్లో సైతం విజయ్ సేతుపతికి ఆఫర్లు వస్తున్నట్టు సమాచారం.ప్రస్తుతం విజయ్ సేతుపతి తీసుకుంటున్న రెమ్యునరేషన్ తో పోలిస్తే రెట్టింపు రెమ్యునరేషన్ ను ఆఫర్ చేస్తున్నా విజయ్ సేతుపతి మాత్రం అంగీకరించడం లేదని తెలుస్తోంది.
ఒకప్పుడు ప్రకాష్ రాజ్ ఎలాంటి పాత్రలోనైనా నటించి మెప్పిస్తే ప్రస్తుతం విజయ్ సేతుపతి సైతం అదే స్థాయిలో తన నటన ద్వారా మెప్పిస్తున్నారు.భవిష్యత్తులో విజయ్ సేతుపతి స్టార్ హీరోలకు సమానంగా పారితోషికం అందుకున్నా ఆశ్చర్యపోవాల్సిన అవసరం లేదు.