టాలీవుడ్‌లో తెరకెక్కిన ఫుల్టూ కామెడీ ఎంటర్‌టైనర్ మూవీ ‘ఎఫ్2’ ప్రేక్షకులను ఏ విధంగా ఆకట్టుకుందో అందరికీ తెలిసిందే.ఈ సినిమాలో విక్టరీ వెంకటేష్, వరుణ్ తేజ్‌లు కలిసి చేసిన హంగామా ఎలాంటిదో అందరం చూశాం.
దర్శకుడు అనిల్ రావిపూడి తెరకెక్కించిన ఈ కామెడీ ఎంటర్‌టైనర్ చిత్రం బాక్సాఫీస్ వద్ద సూపర్ హిట్ మూవీగా నిలవడంతో, ఈ సినిమాకు సీక్వెల్‌ను తెరకెక్కించేందుకు దర్శకుడు ప్లాన్ చేశాడు.
అయితే కొన్ని కారణాల వల్ల ఈ సీక్వెల్ చిత్రాన్ని ముందుగా అనుకున్న సమయానికి తెరకెక్కించలేకపోయిన అనిల్ రావిపూడి, ఇప్పుడు కేవలం ఈ సీక్వెల్ చిత్రంపైనే ఫోకస్ పెట్టాడు.ఎఫ్3 అనే టైటిల్‌తో తెరకెక్కబోయే ఈ సినిమాలో వెంకటేష్, వరుణ్ తేజ్‌లు మరోసారి తమదైన కామెడీ టైమింగ్‌తో ప్రేక్షకులను మెస్మరైజ్ చేసేందుకు రెడీ అవుతున్నారు.కాగా ఈ సీక్వెల్ చిత్రంలో మరో హీరో ఉండబోతున్నట్లు, అతడి పాత్రకోసం స్టార్ హీరోను కూడా ఎంపిక చేసేందుకు చిత్ర యూనిట్ ప్లాన్ చేస్తున్నట్లు గతకొద్ది రోజులుగా ఇండస్ట్రీ వర్గాల్లో వార్తలు వినిపించాయి.
అయితే ఈ సినిమాలో మూడో హీరో పాత్ర లేదని విక్టరీ వెంకటేష్ తేల్చి చెప్పాడు. తాజాగా ఎఫ్3 చిత్రం గురించి కొన్ని అప్‌డేట్లను వెంకీ తన అభిమానులతో పంచుకున్నాడు.
ఈ క్రమంలో ఎఫ్3లో తన పాత్ర మరోసారి ప్రేక్షకులను ఆకట్టుకునే విధంగా ఉంటుందని ఆయన తెలిపాడు.అయితే ఈ సినిమాలో కేవలం ఇద్దరు హీరోలు మాత్రమే ఉంటారని, మూడో హీరో ఎవరూ లేడని ఆయన తేల్చి చెప్పాడు.
దీంతో ఎఫ్3లో మూడో హీరోకు సంబంధించిన అసలు విషయాన్ని వెంకీ తెలియజేయడంతో ఇప్పుడు ఈ సినిమాలో ఇద్దరే హీరోలు ఉండబోతున్నట్లు తేలిపోయింది.మరి ఈ సినిమాను ఎప్పుడు మొదలుపెడతారా అని ప్రేక్షకులు ఎంతో ఆసక్తిగా ఎదురుచూస్తున్నారు.
