ఆర్ట్ అనేది కొంతమందికి మాత్రమే వచ్చే ఒక అద్భుతమైన కళ.ఆ కళతో వారు ఎంతోమంది అభిమానులను సంపాదించుకుంటారు.
ఈ తరహాలోనే ఒక ఆర్టిస్ట్ తనకు వచ్చిన కళతో అద్భుతమైన విన్యాసాలు చేస్తుండడంతో, అతన్ని పోలీసులు అరెస్టు చేశారు.ఈ ఘటన ముంబై ప్రాంతంలో చోటు చేసుకుంది.
ఈ విషయం తెలుసుకున్న పలువురు ఆర్టిస్ట్ లను కూడా అరెస్ట్ చేస్తారా? అంటూ నిట్టూర్చారు.అయితే ఆ యువకుడిని పోలీసులు ఎందుకు అరెస్టు చేశారో పూర్తి వివరాలను తెలుసుకుందాం.
ముంబైలోని 22 సంవత్సరాల యువకుడు అతనికి వచ్చిన అద్భుతమైన విన్యాసాలు భవనం 22 వ అంతస్తులో స్టంట్ చేస్తున్న ఒక వీడియో పోలీసుల దృష్టిలో పడటంతో ఆ యువకుడిని పోలీసులు అరెస్టు చేశారు.ఆ యువకుడు 22 అంతస్తులో ఎనర్జీ డ్రింక్స్ తాగుతూ అద్భుతమైన విన్యాసాలను చేస్తూ ఉండగా, అతని స్నేహితులు వీడియో తీసి సోషల్ మీడియాలో పోస్ట్ చేశారు.
అయితే ఆ వీడియో కాస్త పోలీసుల కంట పడటంతో ఆ యువకుడిని అదుపులోకి తీసుకున్నారు.అతను స్టంట్ చేస్తూ పక్కనున్న లెడ్జ్పైకి దూకాడు.అయితే ఆ లెడ్జ్ కేవలం రెండు అడుగుల వెడల్పు మాత్రమే ఉంది.ఇలాంటి అత్యంత ప్రమాదకరమైన ప్రదేశాలలో ఇలాంటి సన్నివేశాలు చేయడం ద్వారా వాటిని చూసి మరొకరు ప్రయత్నిస్తే, వారి ప్రాణాలకే ప్రమాదమని భావించి పోలీసులు ఆ వ్యక్తిని అరెస్టు చేశారు.అరెస్టు చేసిన యువకుడికి పోలీసులు కౌన్సిలింగ్ ఇచ్చి మనలో ఉన్న ప్రతిభను బయటకు తెలియజేయడం ద్వారా నలుగురికి ఉపయోగపడే లా ఉండాలి కానీ, ఇలా ప్రాణాలకు ప్రమాదకరంగా ఉండే విన్యాసాలను చేయకూడదని తెలిపారు.అయితే సోషల్ మీడియాలో ఈ వీడియో చూసిన ప్రతి ఒక్కరు, ఎంతో ధైర్యంతో సాహసించాడని ప్రశంసించగా, మరికొందరు ప్రాణాలతో చెలగాటం ఆడుతున్నారని సదరు నెటిజన్లు కామెంట్ చేశారు.
ఏదైతేనేం ఇలాంటి విన్యాసాలను చేసేటప్పుడు నిపుణుల పర్యవేక్షణలో చేయడం ద్వారా ప్రాణ నష్టం ఉండదని వారు తెలిపారు.