ప్రభాస్ హీరోగా ఓం రౌత్‌ దర్శకత్వంలో రూపొందబోతున్న భారీ బడ్జెట్‌ ‘ఆదిపురుష్‌’ కోసం దేశం మొత్తం ఎదురు చూస్తోంది.రామాయణ ఇతివృత్తంతో ఓం రౌత్‌ తెరకెక్కిస్తున్న ఈ భారీ సినిమా మోషన్‌ పోస్టర్‌ ఇప్పటికే ప్రేక్షకుల ముందుకు వచ్చింది.
నేడు మరో అప్‌ డేట్‌ వచ్చేసింది.సినిమా ప్రకటనల జోరు చూస్తుంటే చాలా స్పీడ్‌ గా సినిమాను ప్రేక్షకుల ముందుకు తీసుకు వచ్చినా ఆశ్చర్యం అక్కర్లేదు అనిపిస్తుంది.
ఈ సమయంలో ఒక ఆసక్తికర విషయం ఒకటి ప్రభాస్ ఫ్యాన్స్‌ ను మరియు నెటిజన్స్‌ ను విశేషంగా ఆకట్టుకుంటోంది.
ఆదిపురుష్‌ సినిమా ప్రకటన చేసిన రోజు గుర్తుంది కదా ఆ రోజు ఉదయం 7 గంటల 11 నిమిషాలకు ప్రభాస్ తన సోషల్ మీడియా అకౌంట్‌ లో పోస్ట్ పెట్టి సినిమాను అనౌన్స్‌ చేశాడు.
సరిగ్గా 7 గంటల 11 నిమిషాలకే ఎందుకు అని ఆ సమయంలో పెద్దగా చర్చ జరగలేదు.కాని నేడు కూడా మరో అప్‌ డేట్‌ ను అదే సమయంకు అంటే 7 గంటల 11 నిమిషాలకు ఇవ్వడం వెనుక ఆంతర్యం ఏంటీ అనేది తెలియడం లేదు.
ఖచ్చితంగా ఈ 7.11 కు సినిమాకు ఏదో సబందం ఉందేమో అనిపిస్తుంది.లేదా ప్రభాస్ లేదా ఓం రౌత్‌ కు ఇది లక్కీ నెంబర్ అయ్యి ఉంటుందని కొందరు అంటున్నారు.అయితే ఈ 7.11 ను కూడితే 9 వస్తుంది.కనుక ఆ కారణం వల్ల కూడా ఆ టైంను ఎంపిక చేసుకుని ఉంటారు అంటున్నారు.అయితే 9 అంకె కలిసేలా రావాలంటే 8.1 కి విడుదల చేయవచ్చు లేదంటే సరిగ్గా 9 గంటలకు విడుదల చేయవచ్చు.కాని 7.11 కు విడుదల చేస్తున్నారు అంటే ఏదో ప్రత్యేకత ఉందని ముందు ముందు దాని గురించి దర్శకుడు ఓం రౌత్‌ ఏం చెప్పబోతున్నాడో అంటూ అంతా ఆసక్తిగా ఎదురు చూస్తున్నారు.
