స్టైలిష్ స్టార్ అల్లు అర్జున్ నటిస్తున్న లేటెస్ట్ మూవీ ‘పుష్ప’ ఇప్పటికే షూటింగ్ మొదలుపెట్టుకున్న సంగతి తెలిసిందే.ఈ సినిమాను క్రియేటివ్ డైరెక్టర్ సుకుమార్ డైరెక్ట్ చేస్తుడటంతో ఈ సినిమాపై అదిరిపోయే అంచనాలు క్రియేట్ అయ్యాయి.
ఇక ఈ సినిమాతో మరోసారి బాక్సాఫీస్‌ను షేక్ చేసేందుకు బన్నీ రెడీ అవుతున్నాడు.కాగా పూర్తి మాస్ యాక్షన్ ఎంటర్‌టైనర్‌గా ఈ సినిమాను సుకుమార్ తీర్చిదిద్దుతుండటంతో ఈ సినిమాపై అంచనాలు పీక్స్‌లో ఉన్నాయి.
ఇక ఈ సినిమాలో బన్నీ రఫ్ లుక్‌లో కనిపిస్తుండగా, ఎర్రచందనం స్మగ్లింగ్ బ్యాక్‌డ్రాప్‌తో ఈ సినిమా వస్తుందని చిత్ర యూనిట్ అంటోంది.కాగా ఈ సినిమాలో బన్నీ ఓ లారీ డ్రైవర్ పాత్రలో నటిస్తున్నట్లు తెలుస్తోంది.
ఇక ఈ సినిమాను పక్కా కమర్షియల్ పంథాలో తెరకెక్కిస్తున్న సుకుమార్, ఇందులో ఓ హాట్ ఐటెం సాంగ్‌ను కూడా పెట్టేందుకు రెడీ అవుతున్నాడు.తన గత చిత్రాల్లో లాగే ఈ సినిమాలోనూ ఓ స్టార్ బ్యూటీతో చిందులు వేయించేందుకు సుక్కు ప్లాన్ చేస్తున్నాడు.
కాగా ఈ స్పెషల్ సాంగ్‌లో చిందులేసేందుకు సాహో చిత్రంతో టాలీవుడ్‌లో ఎంట్రీ ఇచ్చిన బాలీవుడ్ బ్యూటీ శ్రద్ధా కపూర్‌ను ఒప్పించే పనిలో పడ్డాడట సుకుమార్.బాలీవుడ్‌లో హాట్ అందాలతో పాటు అదిరిపోయే స్టెప్పులు వేయడంలో ఈ పాప తనకంటూ ప్రత్యేక గుర్తింపును క్రియేట్ చేసుకుంది.
దీంతో ఇప్పుడు శ్రద్ధా కపూర్‌తో ఓ స్పెషల్ సాంగ్ చేయిస్తే ఈ సినిమాకు మరింత క్రేజ్ తీసుకురావచ్చని సుకుమార్ భావిస్తున్నాడు.మరి ఈ సినిమాలో నిజంగానే శ్రద్ధా కపూర్ ఐటెం సాంగ్ చేస్తుందా లేదా అనేది చూడాలి.
కాగా ఈ సినిమాలో బన్నీ సరసన అందాల భామ రష్మిక మందన హీరోయిన్‌గా నటిస్తోంది.
