మాళవిక మోహనన్.ఇప్పుడు సౌత్ లో ఈ పేరు గట్టిగా వినిపిస్తుంది.
మలయాళీ ఇండస్ట్రీలో హీరోయిన్ గా 2013 లో కెరియర్ స్టార్ట్ చేసిన ఈ అమ్మడు ఈ మధ్యకాలంలో ఎక్కువగా పాపులారిటీ సొంతం చేసుకుంది.ఇప్పటి వరకు కెరియర్ లో ఆరు సినిమాలే చేసినా కూడా రాని గుర్తింపు రజినీకాంత్ పెట్టా సినిమా ద్వారా సొంతం చేసుకుంది.
ఈ సినిమాతో నటిగా కోలీవుడ్ లో అందరి దృష్టిని ఆకర్శించిన మాళవిక మోహనన్ నెక్స్ట్ ఏకంగా ఇళయదళపతి విజయ్ కి జోడీగా మాస్టర్ సినిమాలో అవకాశం సొంతం చేసుకుంది.ఇక ఈ సినిమా రిలీజ్ కి రెడీ అయ్యి ఉంది.
ఈ సినిమా థియేటర్ లోకి రాకముందే మరో క్రేజీ ఆఫర్ ని ఈ అమ్మడు సొంతం చేసుకుంది. చియాన్ విక్రమ్ హీరోగా కార్తీక్ సుబ్బరాజు దర్శకత్వంలో ఒక సినిమా తెరకెక్కనుంది. ఈ సినిమాలో హీరోయిన్ గా మాళవిక మోహనన్ ని ఫైనల్ చేశారు.ఈ సినిమాలో మరో కీలక పాత్రలో విక్రమ్ తనయుడు ధృవ్ విక్రమ్ కూడా నటిస్తున్నాడు.
ఇదిలా ఉంటే ఈ సినిమా కరోనా సిచువేషన్ నుంచి బయట పడిన తర్వాత సెట్స్ పైకి వెళ్లే అవకాశం ఉందని తెలుస్తుంది.నార్త్ భామల తరహాలో ఎక్స్ పోజింగ్ చేయకపోయినా కూడా ఈ అమ్మడుకి కోలీవుడ్ పెద్దపీట వేస్తుంది.
ఇక నితిన్ కి జోడీగా ఈ భామ ఒక సినిమాలో కనిపించబోతున్నట్లు కూడా తెలుస్తుంది.మొత్తానికి మలయాళీ భామలైన కీర్తి సురేష్, అనుపమ, అను ఇమాన్యుయేల్ తరహాలో సౌత్ లో ఈ అమ్మడు కూడా గట్టిగా పాగా వేస్తుందేమో వేచి చూడాలి.
.
