మామూలుగా టీవీలలో పెద్దపులి కాస్త కోపంగా ఉంది అంటేనే టీవీల ముందు కూర్చున్న వారు వణికిపోతుంటారు.పెద్దపులి టీవీ లో నుండి బయటకు రాదు అని మనకు తెలిసినప్పటికీ… ఎందుకో పులిని చూస్తే మాత్రం గుండెల్లో గుబులు పుడుతుంటుంది.
అదే పెద్ద పులి మనం వెళుతున్న రోడ్డుపై ఎదురుగా కోపంగా గర్జిస్తూ కనిపిస్తే ఇంకేముంది గుండెలు జారిపోయి.ప్రాణాలు అటు నుంచి అటే గాల్లో కలిసిపోతాయి.
తాజాగా కొంతమంది ప్రయాణికులకు ఇలాంటి ఒక అనుభవమే ఎదురైంది.సియల్ బఫర్ జోన్ సమీపంలో ఫెంచ్ నేషనల్ పార్క్ కి 25 కిలోమీటర్ల దూరంలో నేషనల్ హైవేపై రాత్రి సమయంలో వాహనదారులు వెళుతుండగా రోడ్డుపై ఒక్కసారిగా ఓ ఆకారం కనిపించింది.
ఏంటా అని ఆగి వాహనం లైట్ అటువైపుగా పెట్టి చూస్తే అది పెద్ద పులి.రోడ్డుపై హాయిగా బైఠాయించి భీకరంగా గర్జిస్తూ ఉంది.దీంతో ఒక్కసారిగా అటు వైపు నుంచి వస్తున్న వాహనాలు నిలిచిపోయాయి.రోడ్డుపై భీకరంగా గర్జిస్తూ ఉన్న పెద్ద పులి ని చూసి అందరూ భయాందోళనకు గురయ్యారు.
ఇక పులి ఎక్కడ దాడి చేస్తుందో అని గమనిస్తూ అక్కడే ఉండిపోయారు.కాసేపటి వరకూ భీకరంగా గర్జించిన పులి ఆ తర్వాత తన దారిన అది వెళ్లిపోవడంతో అందరూ ఊపిరి పీల్చుకున్నారు.
ఈ ప్రాంతం పెంచ్ నేషనల్ పార్క్ కి దగ్గరగా ఉండడంతో ఈ రోడ్డుపై తరచూ పులులు వస్తున్నాయని స్థానికులు చెబుతున్నారు.ఇక ఈ వీడియో ని ఒక నెటిజన్ సోషల్ మీడియా వేదికగా పోస్ట్ చేయడంతో ప్రస్తుతం సోషల్ మీడియాలో చక్కర్లు కొడుతుంది ఈ వీడియో.
సియోని జిల్లాలో అడవి పులులు రోడ్డుపైకి వచ్చి గర్జించడం ప్రారంభించినప్పుడు అనే క్యాప్షన్ పెట్టి అనురాగ్ అనే నెటిజన్ ఈ వీడియోని సోషల్ మీడియాలో పోస్ట్ చేశాడు.