లాక్ డౌన్ ఉన్న సమయంలో సినిమా పరిశ్రమకు చెందిన హేమా హేమీలు షూటింగ్ కు అనుమతులు ఇవ్వాల్సిందే అంటూ ప్రభుత్వాలను డిమాండు చేసిన వారు ఇప్పుడు ఎక్కడ పోయారో కనిపించడం లేదు.నెల రోజుల క్రితం షూటింగ్స్ కు అనుమతులు ఇస్తే ఇప్పటి వరకు కూడా షూటింగ్ కు స్టార్స్ ఎవరు కూడా వెళ్ళలేదు.
దాంతో సినీ కార్మికుల కష్టాలు అలాగే ఉన్నాయి.వారికి లాక్ డౌన్ లో మాదిరిగానే ఆకలి తప్పడం లేదు.
సీరియల్స్ షూటింగ్స్ అయితే ప్రారంభం అయ్యాయి.కానీ ఇప్పటి వరకు సినిమా కు చెందిన షూటింగ్స్ కేవలం 20 శాతం మాత్రమే ప్రారంభం అయ్యాయి.సినిమా కార్మికులు ఎక్కువగా ఉంటారు.అందుకే సినిమా షూటింగ్స్ జరగని కారణంగా వారంతా కూడా ఇంకా ఆకలి కేకలు పెడుతున్నారు.
సినీ పెద్దలు ఆదుకోవాలని వేడుకుంటున్నారు.
పెద్ద హీరోలు ఎవరు కూడా షూటింగ్స్ కు ముందుకు రావడం లేదు.హైదరాబాద్ లో పెరుగుతున్న కేసుల కారణంగా షూటింగ్ కు వెళ్లేందుకు సిద్ధం కావడం లేదు.పెద్ద హీరోల సినిమాలు ఎప్పుడు అయితే మొదలు అవుతాయో అప్పటివరకు సినీ కార్మికుల ఆకలి కేకలు తప్పవు అంటూ సినీ విశ్లేషకులు అభిప్రాయం వ్యక్తం చేస్తున్నారు.