రేవంత్ రెడ్డి వెనక్కి తగ్గినట్టేనా ? కేసీఆర్ కు చేసిన విజ్ఞప్తి ఏంటి ?

కేటీఆర్ ఫామ్ హౌస్ పై డ్రోన్ కెమెరా ఎగురవేయడం, ఫామ్ హౌస్ పరిసరాలను చిత్రీకరించడం, దీనిపై కేసు నమోదు చేయడం, ఆయన జైలుపాలవ్వడం ఇలా రచ్చ రచ్చ జరిగింది.ఇది ఇలా ఉండగా రేవంత్ విషయంలో కేసీఆర్ కాస్త మెత్తబడినట్టుగా కనిపిస్తోంది.తెలంగాణాలో కరోనా విజృంభిస్తున్న తరుణంలో రేవంత్ రెడ్డి సీఎం కేసీఆర్ కు ఓ విజ్ఞప్తి చేశారు.జైళ్లలో ఉంటున్న ఖైదీలను వెంటనే విడుదల చేయాలని ఆయన కోరారు.

జైలు అధికారులు జైళ్లలోకి, బయటికి వస్తుంటారన్న రేవంత్, వారి వల్ల ఖైదీలకు కరోనా సోకే ప్రమాదం లేకపోలేదు అంటూ ఆందోళన వ్యక్తం చేశారు.అందుకోసమే ఖైదీలను వెంటనే విడుదల ఆలోచన చేయాలని కోరారు.

ముఖ్యంగా, మహిళలు, వృద్ధుల పట్ల సానుకూలంగా స్పందించాలని కోరుతూ లేఖ ద్వారా విజ్ఞప్తి చేశారు.ప్రస్తుతం నేపథ్యంలో పరిస్థితులను అర్థం చేసుకొని, సరైన నిర్ణయం తీసుకోవాలని ప్రభుత్వానికి సూచించారు రేవంత్ రెడ్డి.

రాష్ట్రంలో మొత్తం 5 లక్షల మంది ఖైదీలు ఉన్నారని, వారిలో 65 శాతం మంది ట్రయల్స్‌లో ఉన్నవారేనని పేర్కొన్నారు.శిక్ష కాలం ముగుస్తున్న వారిని, పెట్టీ కేసుల్లో అరెస్ట్ అయ్యి జైల్లో ఉన్నవారిని విడుదల చేసే దిశగా చర్యలు తీసుకోవాలని తన లేఖలో రేవంత్ రెడ్డి కోరారు.రేవంత్ లేఖపై కేసీఆర్ కూడా సానుకూలంగా ఉన్నట్టుగా టీఆర్ఎస్ వర్గాలు పేర్కొన్నాయి.ప్రస్తుతం తెలంగాణాలో కరోనా వైరస్ విజృంభిస్తున్న తరుణంలో ఇలా రాజకీయ వైరాలను పక్కన పెట్టి కరోనా వ్యాప్తి చెందకుండా ప్రజలను అప్రమత్తం చేస్తూ, అన్ని రాజకీయ పార్టీలు కలిసి ఉమ్మడి కార్యాచరణ రూపొందించుకుంటే అంతిమమంగా ప్రజలకు మేలు జరుగుతుంది.