టాలీవుడ్లోకి మొదటగా కమీడియన్ గా ఎంట్రీ ఇచ్చి ఆ తరువాత అడపాదడపా సినిమాల్లో హీరోగా నటిస్తూ మంచి పేరు తెచ్చుకున్న టువంటి నటుడు సునీల్ గురించి టాలీవుడ్ సినీ పరిశ్రమలో తెలియని వారుండరు.అయితే తాజాగా హీరో మరియు కమెడియన్ సునీల్ “కలర్ ఫోటో” అనే చిత్రంలో నటిస్తున్నాడు.
ఈ చిత్రంలో సునీల్ హీరోగా కాకుండా విలన్ పాత్రలో నటిస్తున్నాడు.
అయితే ఈ చిత్రంలో హీరోగా నాగచైతన్య, విజయ్ దేవరకొండ, కళ్యాణ్ దేవ్, తదితర హీరోల చిత్రాల్లో హీరో ఫ్రెండ్ పాత్రలు చేస్తూ కామెడీ పండించినటువంటి కమెడియన్ సుహాస్ హీరోగా నటిస్తున్నాడు.
ఈ చిత్రానికి నూతన దర్శకుడు సందీప్ రాజ్ దర్శకత్వం వహిస్తున్నాడు.అలాగే ఈ చిత్రంలో చాందిని చౌదరి హీరోయిన్ గా నటిస్తోంది.ఇప్పటికే ఈ చిత్రానికి సంబంధించి నటువంటి షూటింగ్ కూడా ప్రారంభమైనట్లు తెలుస్తోంది.
అంతేగాక ఇటీవల కాలంలో చిత్ర యూనిట్ సభ్యులు విడుదల చేసినటువంటి ఈ చిత్ర పోస్టర్ కి మంచి స్పందన వచ్చింది.ప్రస్తుతం ఈ చిత్రం హైదరా హైదరాబాద్ నగర పరిసర ప్రాంతాల్లో శరవేగంగా చిత్రీకరణ జరుపుకుంటోంది. అయితే ఇందులో భాగంగా ప్రస్తుతం సునీల్ కి సంబంధించినటువంటి సన్నివేశాలను దర్శకుడు తెరకెక్కిస్తున్నట్లు సమాచారం.
అయితే ఈ విషయం ఇలా ఉండగా సునీల్ ఇటీవల కాలంలో విలన్ గా నటించినటువంటి డిస్కో రాజా చిత్రం ప్రేక్షకులని పెద్దగా ఆకట్టుకోలేకపోయింది.కానీ సునీల్ కి మాత్రం ఈ చిత్రం బాగానే కలిసొచ్చింది.
ప్రస్తుతం సునీల్ బోయపాటి శ్రీను దర్శకత్వం వహిస్తున్నటువంటి ఓ చిత్రంలో కూడా విలన్ గా నటిస్తున్నాడు.అయితే ఈ చిత్రంలో లో నందమూరి లెజెండ్ బాలయ్య బాబు హీరోగా నటిస్తున్నాడు.