మెగాస్టార్ చిరంజీవి 152వ చిత్రంలో రామ్ చరణ్ నటిస్తున్నట్లుగా చాలా రోజులుగా మీడియాలో వార్తలు వస్తున్నాయి.ఈ సినిమా క్రేజ్ను పెంచేందుకు ప్రముఖ స్టార్ హీరో మహేష్బాబును ఈ చిత్రంలో నటింపజేయాలని కొరటాల శివ భావిస్తున్నట్లుగా ప్రచారం జరుగుతోంది.
మహేష్బాబు, కొరటాల శివల మద్య మంచి సన్నిహిత సంబంధాలు ఉన్నాయి.ఆ కారణంగానే మెగా మూవీలో మహేష్ నటించేందుకు ఒప్పుకున్నాడు అంటూ వార్తలు వచ్చాయి.
ఈ వార్తలు ప్రస్తుతం సినీ వర్గాల్లో చర్చనీయాంశం అవుతున్నాయి.మెగా మూవీలో మహేష్ నటించడం చాలా గొప్ప విషయం అని అంతా అనుకుంటున్నారు.అయితే ఈ సమయంలో మహేష్బాబు పీఆర్ ఈ వార్తలపై క్లారిటీ ఇచ్చాడు.అసలు అలాంటి ప్రతిపాధనే లేదు అంటూ ఆయన ప్రకటించాడు.కొరటాల శివతో మహేష్బాబుకు మంచి సన్నిహిత సంబంధాలు ఉన్న మాట వాస్తవమే.కాని ఆ సినిమాలో నటించమని మహేష్ను కొరటాల కోరలేదు అన్నాడు.
దీంతో గత రెండు రోజులుగా వస్తున్న వార్తలకు ఫుల్ స్టాప్ పడ్డట్లయ్యింది.ఈమద్య కాలంలో స్టార్ హీరోలు ఒకరి సినిమాల్లో ఒకరు గెస్ట్ అప్పియరెన్స్ ఇచ్చుకోవడం కామన్ అయ్యింది.అందుకే ఈ సినిమాలో మహేష్ ఉంటే బాగుంటుందని, ఇప్పటి వరకు ఆలోచించకున్నా కొరటాల ఇప్పటికైనా ఆలోచించి మహేష్ను చిరు మూవీలో పెట్టాలని ఫ్యాన్స్ కోరుతున్నారు.మరి కొరటాలకు ఇది అర్థం అవుతుందా చూడాలి.