మంచు ఫ్యామిలీ నుండి హీరోగా ఎంట్రీ ఇచ్చిన విష్ణు చాలా తక్కువ సమయంలోనే మంచి నటుడిగా గుర్తింపు పొందాడు.కానీ అనుకున్న స్థాయిలో మాత్రం సక్సె్స్ కాలేకపోయాడు.
దీంతో వచ్చిన ప్రతీ అవకాశాన్ని ఆయన వినియోగించుకుంటూ వెళ్తున్నారు.కాగా ప్రస్తుతం మంచు విష్ణు ఓ హాలీవుడ్ మూవీలో నటిస్తున్న సంగతి తెలిసిందే.
ఈ సినిమాను తెలుగులో మోసగాళ్లు అనే టైటిల్‌తో రిలీజ్ చేసేందుకు చిత్ర యూనిట్ రెడీ అవుతోంది.
కాగా ఈ సినిమాలో మంచు విష్ణు సరసన హీరోయిన్‌గా కాజల్ అగర్వాల్ నటిస్తోంది.
ఈ సినిమాలోని ఆమె ఫస్ట్ లుక్ పోస్టర్‌ను తాజాగా చిత్ర యూనిట్ రిలీజ్ చేశారు.‘అను’ అనే పాత్రలో నటిస్తున్న కాజల్ అగర్వాల్ సైలెంట్‌గా నిల్చుని ఆసక్తిగా చూస్తున్న ఈ పోస్టర్ ప్రేక్షకులను ఆకట్టుకుంటోంది.
ఈ సినిమాను హాలీవుడ్ డైరెక్టర్ జెఫ్రీ చిన్ డైరెక్ట్ చేస్తున్నాడు.ప్రపంచంలోనే జరిగిన అతిపెద్ద ఐటీ స్కాం ఆధారంగా ఈ సినిమాను తెరకెక్కిస్తున్నారు.
ఈ సినిమాతో అదిరిపోయే సక్సెస్ కొట్టేందుకు మంచు విష్ణు రెడీ అవుతున్నాడు.కాగా ఈ సినిమాలో సునీల్ శెట్టి, రుహానీ సింగ్ కీలక పాత్రల్లో నటిస్తున్నారు.
మరి ఈ సినిమాలో కాజల్ పాత్ర ఎలా ఉంటుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.ఈ సినిమాను వేసవి కానుకగా ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతున్నారు.
