ఇప్పటివరకు బస్సు ప్రమాదాలు, రైలు ప్రమాదాలకు సంబంధిన వార్తలే ఎక్కువగా వినిపించేవి కానీ ఈ మధ్య కాలంలో విమాన ప్రమాదాల సంఖ్య కూడా పెరిగిపోతుంది.గాలిలో రెండు తేలికపాటి విమానాలు ఒకదానినొకటి ఢీ కొట్టడంతో ఘోర ప్రమాదం చోటు చేసుకుంది.
ఆస్ట్రేలియాలో ఈ ప్రమాదం చోటు చేసుకోగా ఈ ప్రమాదంలో నలుగురు మృతి చెందారు.ప్రమాదం గురించి సమాచారం అందిన వెంటనే రెస్క్యూ టీమ్స్ సిబ్బంది సంఘటనా స్థలానికి చేరుకున్నారు.
కానీ అప్పటికే విమానంలోని నలుగురు మృతి చెందారు.ఆస్ట్రేలియాలోని సెంట్రల్ విక్టోరియాకు కేవలం ఒక కిలోమీటర్ దూరంలో ఈ ప్రమాదం చోటు చేసుకుంది.దట్టమైన మేఘాల గుండా ప్రయాణం చేయడమే ఈ రెండు విమానాల ప్రమాదానికి కారణమని అధికారులు చెబుతున్నారు.భూమికి 4 వేల అడుగులకు పైగా ఎత్తులో విమానాలు ఎగురుతున్న సమయంలో ఈ ప్రమాదం జరిగిందని అధికారులు చెబుతున్నారు.
అధికారులు ప్రాథమికంగా రెండు విమానాలలోని పైలెట్లకు ఎదురుగా ఏం ఉందో కనిపించి ఉండదని అందువలనే ఈ ప్రమాదం జరిగి ఉండవచ్చని అంచనా వేస్తున్నారు.ఉన్నతాధికారులు ఈ ఘోర ప్రమాదం గురించి విచారణకు ఆదేశించారు.ఈ ప్రమాదంలో ముక్కలు ముక్కలై క్రింద పడిన విమాన శకలాలకు సంబంధించిన ఫోటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి.
తెలుగు వార్త విశేషాలు సులభముగా తెలుసుకోండి!!!!
