అమెరికాలోని అత్యధికంగా ఉన్న సంఘాలలో తెలుగు సంఘాలు అధిక సంఖ్యలో ఉంటాయి.ఆయా ప్రాంతాలకి తగ్గట్టుగా తెలుగు ప్రజలు అక్కడ సంఘాలని ఏర్పాటు చేసుకున్నారు.
ఎవరు ఎలాంటి సంఘాన్ని ఏర్పాటు చేసుకున్నా సరే ప్రతీ సంఘం యొక్క ప్రధాన లక్ష్యం తెలుగు ప్రజలకి సేవ చేయడం, అమెరికాలో తెలుగు వారికి తోడుగా ఉండటం, తెలుగు సంస్కృతీ సాంప్రదాయలని గౌరవించడం. ఈ ఆశయాలతోనే అమెరికాలో ఉన్న అట్లాంటా తెలుగు సంఘం తామా పని చేస్తోంది.
తన ఆధ్వర్యంలో ఎన్నో సేవా చైతన్య కార్యక్రమాలు ఏర్పాటు చేస్తూ గడిచిన 6 ఏళ్ళుగా విశిష్ట సేవలు అందిస్తోంది.ఇప్పటి వరకూ 10 సార్లు చదరంగ పోటీలు నిర్వహించి పిల్లలలో సృజనాత్మకతని వెలికి తీస్తున్న తామా, ఈ సారి 11 వ చదరంగ పోటీలని నిర్వహించింది.
ఈ పోటీలలో పిల్లలు ఎంతో ఉశ్చాహంగా పాల్గొన్నారు.ప్రతీ విభాగంలో మొదటి 5 విజేతలకి తామా ట్రోఫీలు అందించారు.అలాగే
వివిధ రకాల విజేతలకి కూడా బహుమతులు అందించారు.తామా లో యువత, క్రీడల విభాగానికి చెందిన వెన్నెలకంటి రమేష్ ఆధ్వర్యంలో జరిగిన ఈ పోటీలకి ఎంతో మంది తెలుగు వారు విచ్చేశారు.అలాగే తామాలో ఉన్న ప్రతీ విభాగానికి చెందిన లీడర్స్ అందరూ ఈ కార్యక్రమానికి విచ్చేశారు.ఈ సందర్భంగా తామా అధ్యక్షుడు భారత్ మాట్లాడుతూ విచ్చేసిన ప్రతీ ఒక్క తెలుగు వారికి కృతజ్ఞతలు తెలిపారు.