మద్యం సేవించే వారు ఎలాంటి పనులు చేస్తారో వారికే తెలియదు.కాగా వారు చేసే పనులు ఒక్కోసారి మనకు నవ్వు తెప్పిస్తే, ఒక్కోసారి భయపెడతాయి.
తాజాగా ఓ మందుబాబు చేసిన పనికి బస్సులో ప్రయాణిస్తున్న వారు తమ జీవితాలను అరచేతిలో పట్టుకున్నంత పనైంది.వికారాబాద్‌లో చోటు చేసుకున్న ఈ ఘటన స్థానికంగా సంచలనం రేకెత్తించింది.
తాండూరు బస్టాండ్‌లో ప్రయాణానికి సిద్ధంగా ఉన్న ఓ బస్సు ప్రయాణికులతో కిటకిటలాడింది.ఇంకా డ్రైవర్, కండక్టర్ రాకపోవడంతో ప్రయాణికులు వారికోసం ఎదురుచూడ సాగారు.కాగా ఇంతలో ఆ బస్సు డ్రైవర్ తన బస్సు కనబడటం లేదంటూ డిపో మేనేజర్‌కు ఫిర్యాదు చేశాడు.ఫూటుగా మందేసిన ఓ వ్యక్తి తానే డ్రైవర్‌నంటూ ఆ బస్సును ఎత్తుకెళ్లాడు.
అతడి ప్రవర్తనపై అనుమానం వచ్చిన ప్రయాణికులు అతడిని గట్టిగా నిలదీయడంతో నగర శివారులో బస్సును వదిలేసి పారిపోయాడు.
వెంటనే వారు పోలీసులకు ఫిర్యాదు చేయడంతో అక్కడికి చేరుకున్న పోలీసులు, ప్రయాణికుల వద్ద ఆ తాగుబోతుకు సంబంధించిన వివరాలను సేకరించారు.
బస్సును డిపో మేనేజర్‌కు అప్పగించి కేసు నమోదు చేసుకున్నారు.
