యంగ్ హీరో నితిన్ నటించిన తాజా చిత్రం భీష్మ రిలీజ్‌కు రెడీ అవుతోంది.అందాల భామ రష్మిక మందన హీరోయిన్‌గా నటిస్తోన్న ఈ సినిమాను వెంకీ కుడుముల డైరెక్ట్ చేస్తుండటంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లో కూడా మంచి అంచనాలు ఏర్పడ్డాయి.
ఇక ఈ సినిమాతో నితిన్ తన డ్యాన్స్ ట్యాలెంట్‌ను దాదాపు ఆరేళ్ల తరువాత మరోసారి బయటపెడుతున్నట్లు చిత్ర యూనిట్ తెలిపింది.
భీష్మ సినిమాలో అన్ని అంశాలు పుష్కలంగా ఉండటంతో నితిన్ ఈ సినిమా కోసం చాలా కష్టపడ్డాడని చిత్ర యూనిట్ తెలిపింది.
టాలీవుడ్‌లో ఉన్న బెస్ట్ డ్యాన్సర్లలో నితిన్ కూడా ఒకరు కావడంతో ఈ సినిమాలో ఆయన రెచ్చిపోయి డ్యాన్స్ చేశాడని చిత్ర యూనిట్ అంటోంది.ఈ రేంజ్‌లో నితిన్ డ్యాన్స్ చేయడం గతకొన్నేళ్లుగా ప్రేక్షకులు చూసి ఉండరని చిత్ర యూనిట్ ధీమా వ్యక్తం చేస్తున్నారు.
ఇక ఈ సినిమాతో తన కెరీర్‌లో మరో సక్సెస్‌ను నితిన్ వేసుకుంటాడని వారు అంటున్నారు.
ఔట్ అండ్ ఔట్ రొమాంటిక్ కామెడీ ఎంటర్‌టైనర్‌గా తెరకెక్కిన ఈ సినిమా అన్ని వర్గాల ప్రేక్షకులను అలరిస్తుందని, రష్మిక-నితిన్‌ల మధ్య నడిచే లవ్ ట్రాక్ యూత్‌ను బాగా ఆకట్టుకుంటుందని చిత్ర యూనిట్ తెలిపారు.
ఫిబ్రవరి 21న రిలీజ్ కానున్న ఈ సినిమా ఎంతమేర విజయం సాధిస్తుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
