జగన్ పీకే అయితే ఏంటి ? అంతకు మించి కొత్త ఎత్తు వేసిన బాబు

వచ్చే ఎన్నికల నాటికి మరింత బలంగా తయారవ్వడంతో పాటు ప్రస్తుతం ఏపీ లో జరగబోయే స్థానిక సంస్థల ఎన్నికల్లో తన సత్తా చాటుకోవాలని టిడిపి చూస్తోంది.దీనిలో భాగంగానే ప్రశాంత్ కిషోర్ కు స్నేహితుడైన సిటిజన్స్ ఫర్ అకౌంటబుల్ గవర్నెన్స్ ఇండియన్ పొలిటికల్ యాక్షన్ కమిటీ వంటి సంస్థలకు వ్యవస్థాపక సభ్యుడిగా ఉన్న రాబిన్ శర్మ ను టిడిపి తమ రాజకీయ వ్యూహకర్తగా నియమించుకున్నట్టు తెలుస్తోంది.ఇప్పటికే ఒప్పందం చేసుకున్న టిడిపి స్థానిక సంస్థల ఎన్నికల నుంచే పనిచేసేలా ఒప్పందం చేసుకున్నట్లు సమాచారం.స్థానిక సంస్థల ఎన్నికల్లో టిడిపి గట్టెక్కే విధంగా ఎన్నికల వ్యూహాలు రాబిన్ శర్మ రచిస్తున్నట్లు తెలుస్తోంది.

గతంలో శర్మ ప్రధాని నరేంద్ర మోడీ ప్రచారం వ్యవహారాలను చూసుకునే వారు.ఆయన పనితీరు పై నమ్మకం కలిగిన తర్వాత ఇప్పుడు టిడిపి ఆయనను తీసుకు వచ్చినట్లుగా తెలుస్తోంది.

రాబోయే నాలుగేళ్ల పాటు వారు టిడిపికి సలహాలు, సూచనలు ఇవ్వబోతున్నారా.ఏపీలో ప్రస్తుతం 3 రాజధానుల ప్రకటన, టిడిపి నాయకుల పై వైసీపీ ప్రభుత్వం వేధింపులు తదితర విషయాలపై రాబిన్ శర్మ బృందం అధ్యయనం చేస్తోందట.

దీనిపై త్వరలోనే చంద్రబాబుకు నివేదిక కూడా ఇవ్వబోతున్నట్టు తెలుస్తోంది.

రాబిన్ శర్మతో ఒప్పందం చేసుకునేందుకు టీడీపీ పెద్ద మొత్తంలోనే చెల్లించేందుకు సిద్ధమవుతున్నట్లు తెలుస్తోంది.వైసీపీ కూడా తాము అధికారంలో ఉన్నా తన రాజకీయ వ్యూహకర్త ప్రశాంత్ కిషోర్ సేవలను వినియోగించుకోవాలని డిసైడ్ అయిన నేపథ్యంలో చంద్రబాబు రాబిన్ శర్మ పేరు తెరపైకి తీసుకురావడం ప్రాధాన్యం సంతరించుకుంది.