టాలీవుడ్లో స్టార్ బ్యూటీగా సమంత తన సత్తా చాటుతున్న క్రమంలోనే అక్కినేని నాగచైతన్యను పెళ్లి చేసుకున్న సంగతి తెలిసిందే.చైతూతో పెళ్లి తరువాత కూడా సమంత స్టార్ హీరోయిన్గా వరుసగా సినిమాలు చేస్తూ మిగతా హీరోయిన్లకు చుక్కలు చూపిస్తోంది.
అయితే ఇటీవల సమంత చాలా సెలెక్టివ్గా సినిమాలు చేయడంతో ఆమె సినిమాలకు త్వరలోనే స్వస్తి చెప్పనుందని ఇండస్ట్రీలో వార్తలు వినిపిస్తున్నాయి.
తాజాగా జాను సినిమాతో ప్రేక్షకుల మందుకు వచ్చిన సమంత, ఓ ఇంటర్వ్యూలో తనకు సినిమాలకంటే కూడా తన కుటుంబాన్ని చూసుకోవడమే ముఖ్యం అంటూ కామెంట్ చేసింది.
దీంతో సమంత ఇక సినిమాలకు గుడ్బై చెప్పేసిందంటూ వార్తలు వచ్చాయి.సోషల్ మీడియాలో దీనికి సంబంధించి అనేక వార్తలు వచ్చాయి.
ఈ విషయం తెలుసుకున్న సమంత తన రిటైర్మెంట్పై క్లారిటీ ఇచ్చింది.
తనకు హీరోయిన్గా అవకాశాలు తగ్గినా కూడా సినిమాలను వదిలే ప్రసక్తే లేదని ఆమె తెలిపింది.
హీరోయిన్గా ఛాన్సులు రాకపోతే ఏదో విధంగా ఇండస్ట్రీలోనే ఉంటానంటూ సమంత తేల్చి చెప్పేసింది.దీంతో సమంత ఫ్యాన్స్ తమ హీరోయిన్ సినిమాలకు గుడ్ బై చెప్పడం లేదంటూ సంతోషం వ్యక్తం చేస్తున్నారు.