మోదీతో జగన్ చర్చలు : కేంద్ర మంత్రివర్గంలో చేరబోతున్న వైసిపి ?

కానీ కొద్ది రోజులుగా బీజేపీ వైఖరి స్పష్టం గా మారింది.వైసీపీతో సన్నిహిత సంబంధాలు కోరుకుంటున్నట్లుగా వ్యవహరిస్తు వస్తోంది.ఇదే సమయంలో ఢిల్లీ ఎన్నికల ఫలితాలు బీజేపీకి షాక్ ఇచ్చేలా వెలువడడంతో, ప్రాంతీయ పార్టీలతో సన్నిహితంగా మెలుగుతూ తమ రాజకీయ నిర్ణయాలకు ఎటువంటి ఆటంకం లేకుండా చూసుకోవాలనే ఆలోచనకు వచ్చినట్లు కనిపిస్తోంది.ముఖ్యంగా బలమైన పార్టీగా వైసీపీ ఏపీలో ఉండడంతో పాటు 22 మంది ఎంపీలు, అలాగే రాజ్యసభలోనూ వైసీపీకి మరిన్ని స్థానాలు దక్కే అవకాశం ఉండడంతో కేంద్రం ఏ నిర్ణయం తీసుకున్నా రాజ్యసభలో పెండింగ్ లో పడకుండా ఉండాలంటే కొన్ని కొన్ని ప్రాంతీయ పార్టీలను దగ్గర చేసుకోవాలనే నిర్ణయానికి వచ్చినట్లు తెలుస్తోంది.

దీనిలో భాగంగానే కేంద్ర మంత్రివర్గంలో వైసీపీకి స్థానం కల్పించాలని, ఒక అభిప్రాయానికి వచ్చినట్లు సమాచారం.

ఈ మేరకు ఈరోజు జగన్ తో భేటీ సందర్భంగా దానికి సంబంధించిన విషయాలపై చర్చించబోతున్నట్టు తెలుస్తోంది.ఇక జగన్ కూడా కేంద్ర మంత్రి వర్గంలో చేరే విషయంలో సముఖంగానే ఉన్నట్లు సమాచారం.కేంద్ర మంత్రివర్గంలో చేరితే ఏపీకి నిధుల విషయంలోనూ, రాజకీయంగా తీసుకునే నిర్ణయాలకు కేంద్రం సపోర్ట్ ఉంటుందని, అదే సమయంలో బీజేపీతో కలిసి ఏపీలో టీడీపీని మరింతగా అణగదొక్కవచ్చనే అభిప్రాయంతో బీజేపీ, వైసీపీ ఉన్నాయి.

వైసీపీకి కేంద్ర మంత్రివర్గ విస్తరణలో ఒకటి రెండు మంత్రి పదవులు దక్కే అవకాశం ఉన్నట్లు ఢిల్లీ వర్గాల నుంచి అందుతున్న సమాచారం.