పులితో టైగర్ ఫైట్.. ఆందోళనలో ఆర్ఆర్ఆర్ యూనిట్

దర్శకధీరుడు రాజమౌళి తెరకెక్కిస్తున్న ప్రెస్టీజియస్ మల్టీస్టారర్ మూవీ ఆర్ఆర్ఆర్ షూటింగ్ ప్రస్తుతం శరవేగంగా జరుగుతోంది.ఇప్పటికే ఈ సినిమా షూటింగ్ 70 శాతం ముగిసిందని, చిత్రాన్ని వీలైనంత త్వరగా రిలీజ్ చేసేందుక రెడీ అవుతున్నారు జక్కన్న.

 Ntr Rajamouli Ram Charan Rrr-TeluguStop.com

ఈ సినిమాలో యంగ్ టైగర్ ఎన్టీఆర్ కొమురం భీం పాత్రలో నటిస్తుండగా, మెగా పవర్ స్టార్ రామ్ చరణ్ అల్లూరి సీతారామరాజు పాత్రలో నటిస్తున్నాడు.

కాగా ఈ సినిమా షూటింగ్‌లో యంగ్ టైగర్ ఎన్టీఆర్‌కు సంబంధించిన కొన్ని ఫోటోలు సోషల్ మీడియాలో లీక్ అయ్యాయి.

ఈ ఫోటోల్లో తారక్ ఓ పులితో పోరాడుతున్న ఫోటో ఆన్‌లైన్‌లో దర్శనమివ్వడంతో చిత్ర యూనిట్ ఖంగుతిన్నారు.వెంటనే అప్రమత్తమై కాపీరైట్ ఇష్యూ కింద దానిని ఆన్‌లైన్ నుండి తొలగించారు.

ఇక ఈ ఫోటోలను సోషల్ మీడియాలో చూసిన వారు తారక్ లుక్ కేక అంటూ కితాబిస్తున్నారు.

పెద్ద సినిమాలకు లీకుల గోల ఎప్పటికీ ఉంటుందని, వాటిని అరికట్టేందుకే చిత్ర షూటింగ్ స్పాట్‌కు ఎలాంటి ఎలక్ట్రానిక్ పరికరాలను అనుమతించడం లేదని చిత్ర యూనిట్ తెలిపింది.

ఇక జూలై 30న రిలీజ్ చేద్దామనుకున్న ఈ సినిమాను కొన్ని కారణాల వల్ల అక్టోబర్‌కు వాయిదా వేస్తున్నట్లు వార్తలు వినిపిస్తున్నాయి.ఏదేమైనా ఆర్ఆర్ఆర్‌కు ఉన్న క్రేజ్‌ మాత్రం పీక్స్ అంటున్నారు సినీ జనం.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube