మాస్ చిత్రాలతో వరుసబెట్టి సక్సెస్‌లు అందుకున్న దర్శకుడు వివి వినాయక్ తనదైన మార్క్‌ను క్రియేట్ చేసుకున్నాడు.డైరెక్టర్‌గా గతకొంత కాలంగా వరుస ఫెయిల్యూర్లతో సతమతమవుతున్న వివి వినాయక్ తన పంథా మార్చుకుని మొహానికి మేకప్ వేసుకునేందుకు రెడీ అయ్యాడు.
వినాయక్ త్వరలో ఓ సినిమాలో హీరోగా నటిస్తాడనే వార్త గతకొంత కాలంగా ఇండస్ట్రీలో హల్‌చల్ చేస్తోంది.
కాగా వివి వినాయక్ నటించబోయే సినిమాకు టైటిల్ ‘సీనయ్య’ అని చిత్ర యూనిట్ ఫిక్స్ చేశారు.
ఈ సినిమా కోసం వినాయక్ ఇప్పటికే తన గెటప్‌ను మార్చుకున్న సంగతి తెలిసిందే.కాగా ఈ సినిమా షూటింగ్‌ను జనవరి 27 నుంచి నిరవధికంగా ప్రారంభించేందుకు చిత్ర యూనిట్ రెడీ అవుతోంది.
స్టార్ ప్రొడ్యూసర్ దిల్ రాజు ఈ సినిమాను ప్రొడ్యూస్ చేస్తుండగా నరసింహా నంది డైరెక్ట్ చేస్తుండగా 90ల బ్యాక్‌డ్రాప్‌లో తెరకెక్కనున్న ఈ సినిమాలో వినాయక్ ఓ మెకానిక్‌గా కనిపిస్తాడట.ఇక ఈ సినిమాలో వినాయక్ సరసన హీరోయిన్‌గా ఎవరు నటిస్తున్నారనే విషయాన్ని చిత్ర యూనిట్ అనౌన్స్ చేయాల్సి ఉంది.
