ప్రముఖ హీరో, సౌత్ సూపర్ స్టార్ రజినీకాంత్ నటించినటువంటి చిత్రం దర్బార్. ఈ చిత్రంలో రజనీకాంత్ సరసన నయనతార నటించగా ప్రముఖ బాలీవుడ్ నటుడు సునీల్ శెట్టి, నివేద థామస్, ప్రతీక్ బబ్బర్, కమెడియన్ యోగి బాబు తదితరులు ప్రధాన తారాగణంగా నటించారు.
నిన్నటి రోజున భారీ అంచనాల నడుమ విడుదలైన ఈ చిత్రం అంచనాలకు మించి థియేటర్లలో దూసుకుపోతోంది.అలాగే కలెక్షన్ల వర్షం కురిపిస్తోంది.ఇప్పటివరకు దాదాపుగా ప్రపంచ వ్యాప్తంగా 30 కోట్ల వరకు గ్రాస్ కలెక్ట్ చేసి రజినీకాంత్ కెరియర్ లోనే బెస్ట్ చిత్రంగా నిలిచింది దర్బార్. యూఎస్ లో ఒక్క తమిళ భాషలో మాత్రమే 6.65 లక్షల డాలర్లు రాబట్టింది.
అయితే తమిళనాడులో మాత్రమే విడుదలైన మొదటి రోజున రూ.20 కోట్ల వసూలు చేసి రజినీకాంత్మళ్లీ తన మార్క్ చూపించాడు.తెలుగు రాష్ట్రాల్లో కూడా రజనీకాంత్ కి ఎంత మంచి క్రేజ్ ఉందో చెప్పనవసరం లేదు.ఇందులో భాగంగానే తెలుగులో కూడా దర్బార్ 4.52 కోట్ల రూపాయలు వరకూ షేర్ కలెక్ట్ చేసినట్లు తెలుస్తోంది.ఏదేమైనప్పటికీ రజనీకాంత్ మళ్లీ తన సత్తా ఏంటో దర్బార్ చిత్రంతో నిరూపించుకున్నాడనడంలో ఎటువంటి సందేహం లేదు.ఇప్పటికే ఈ చిత్రం మంచి పాజిటివ్ టాక్ తో థియేటర్లలో దూసుకుపోతోంది.