ప్రేమ పేరుతో నమ్మించి అవసరాలు తీర్చుకొని తరువాత మొహం చాటేయడం ఈ మధ్య కాలంలో చాలా ఎక్కువ జరుగుతున్న ప్రేమలో మోసపోతున్న యువతులు అయితే తెగించి న్యాయపోరాటం చేస్తున్నారు.లేదంటే ఆత్మహత్యలు చేసుకుంటున్నారు.
ఇలాంటి కేసులు ఈ మధ్య కాలంలో తరుచుగా జరుగుతున్నాయి.తాజాగా అలాంటి ఘటన మహారాష్ట్ర పూణేలో చోటు చేసుకుంది.
సూరజ్‌ అనే యువకుడు ఓ యువతిని ప్రేమించి, పెళ్లి చేసుకుంటానని నమ్మించి శారీరకంగా వాడుకున్నాడు.అయితే అవసరం తీరాక వాడు మొహం చాటేయడంతో తీవ్ర మనస్తాపానికి గురైన బాధితురాలు ఆత్మహత్యయత్నం చేసింది.
ఆమెని కుటుంబ సభ్యులు ఆస్పత్రిలో చేర్పించారు.తనది తక్కువ కులం అనే సాకు చూపించి పెళ్ళి చేసుకోకుండా తప్పించుకున్నాడని పోలీసులకి ఫిర్యాదు చేసింది.
దీనిపై కేసు నమోదు చేసుకున్న పోలీసులు దర్యాప్తు చేసి మోసం చేసిన ప్రేమికుడుని అదుపులోకి తీసుకున్నారు.యువతి చికిత్స తీసుకుంటున్న హాస్పిటల్ కి అతన్ని తీసుకొచ్చి ఐసీయూలో ఉన్న యువతితో బలవంతంగా వాడితో పెళ్లి జరిపించారు.
పోలీసుల సమక్షంలోనే ప్రేమికులు దండలు మార్చుకున్నారు.అయితే పెళ్లి అయిన కొద్దిసేపటికే యువకుడు ఆస్పత్రి నుంచి జారుకొని పారిపోయాడు.
ఇప్పుడు మళ్ళీ అతన్ని పట్టుకోవడానికి పోలీసులు రంగంలోకి దిగారు.
