సూపర్ స్టార్ మహేష్ బాబు నటిస్తోన్న లేటెస్ట్ మూవీ సరిలేరు నీకెవ్వరు చిత్రంతో లేడీ అమితాబ్ విజయశాంతి రీఎంట్రీ ఇస్తోన్న సంగతి అందికీ తెలిసిందే.ఈ సినిమాలో ఆమె ఎలాంటి పాత్ర చేస్తోందా అనే ఆసక్తి సర్వత్రా ఏర్పడింది.
కాగా ఈ సినిమాలో ఆమె లుక్ను చిత్ర యూనిట్ రివీల్ చేయకుండా పెట్టి దీపావళి కానుకగా కొన్ని నిమిషాల ముందు రిలీజ్ చేశారు.
భారతీ అనే పాత్రలో విజయశాంతి నటిస్తోన్నట్లు చిత్ర యూనిట్ తెలిపింది.
ఈ పోస్టర్లో విజయశాంతిని ఆమె లాస్ట్ మూవీలో ఎలాగైతే చూశామో అలాగే ఉంది.ఏమాత్రం అందం తగ్గని లేడీ అమితాబ్ను చూసి ఆమె ఫ్యాన్స్ సంతోషం వ్యక్తం చేస్తున్నారు.
చాలా గర్వంగా చూస్తున్నట్లు ఆమె పోజు ఈ సినిమాపై మరింత అంచనాలను క్రియేట్ చేస్తుంది.భారతీ అనే పాత్ర సినిమాలో మహేష్ బాబుకు ఏవిధంగా ముడిపడి ఉంటుందా అని అభిమానులు చూస్తున్నారు.
దర్శకుడు అనిల్ రావిపూడి డైరెక్ట్ చేస్తు్న్న ఈ సినిమాను సంక్రాంతి కానుకగా జనవరి 12న రిలీజ్ చేసేందుకు చిత్ర యూనిట్ రెడీ అయ్యింది.మహేష్ బాబు సరసన ఈ సినిమాలో అందాల భామ రష్మిక మందన నటిస్తోండగా ఈ సినిమాను దిల్ రాజుతో కలిసి మహేష్ బాబు సంయుక్తంగా ప్రొడ్యూస్ చేస్తున్నారు.